Միացեք մեզ

Տնտեսություն

Տնտեսության վնասները 2021թ. տուրիզմի ոլորտի անկման պատճառով կարող են հասնել $2,4 տրլն-ի. ՄԱԿ

238
Հետևե՛ք մեզ Telegram-ում

Տուրիզմի ոլորտի անկումը՝ պայմանավորված կորոնավիրուսի համավարակով, կարող է հանգեցնել այն բանին, որ 2021թ. համաշխարհային ՀՆԱ-ն կունենա 1,7-ից մինչեւ 2,4 տրլն դոլարի վնաս։ Այսպիսի կանխատեսում է արված չորեքշաբթի Ժնեւում հրապարակված ՄԱԿ Առեւտրի եւ զարգացման կոնֆերանսի (ՅՈւՆԿՏԱԴ) զեկույցում, տեղեկացնում է ՏԱՍՍ-ը։

«Միջազգային տուրիզմի աշխուժացում սպասվում է ընթացիկ տարվա երկրորդ կեսին, սակայն, ՅՈւՆԿՏԱԴ զեկույցի համաձայն՝ 2021թ. դեռեւս սպասվում են 1,7-ից մինչեւ 2,4 տրլն դոլարի կորուստներ 2019թ. համեմատ»,- փաստել են փորձագետները։

Զեկույցում ներկայացված են իրավիճակի զարգացման հնարավոր սցենարները։ Համաձայն առավել հոռետեսական տարբերակի՝ միջազգային ուղեւորությունների թիվն այս տարի կկրճատվի 75 տոկոսով։ Այդ դեպքում տուրիզմի հատվածը կկորցնի 948 մլրդ դոլար, իսկ համաշխարհային ՀՆԱ-ն ընդհանուր առմամբ կունենա 2,4 տրլն դոլարի վնաս։ Երկրորդ սցենարը հիմնված է 63 տոկոսով միջազգային զբոսաշրջային ուղեւորությունների ենթադրյալ կրճատման վրա։ Երրորդը բխում է նրանից, որ 75 տոկոսով ավելի քիչ կլինեն ուղեւորությունները կորոնավիրուսի դեմ պատվաստման ցածր մակարդակ ունեցող երկրներ, իսկ այն պետություններում, որտեղ բնակչության զգալի մասը պատվաստվել է, զբոսաշրջիկների հոսքը կկրճատվի 37 տոկոսով։ Երկրորդ սցենարով համաշխարհային ՀՆԱ կորուստները կանխատեսվում են 1,7 տրլն դոլարի մակարդակում, իսկ երրորդի դեպքում՝ 1,8 տրլն։

Զեկույցի հեղինակները ուշադրություն են դարձնում տուրիզմի հատվածի վրա զանգվածային պատվաստման զգալի ազդեցությանը։ Պատվաստումների բարձր մակարդակ ունեցող պետություններում տնտեսության կորուստներն այնքան էլ մեծ չեն լինի, ինչպես այն պետություններում, որտեղ պատվաստումը դանդաղ է ընթանում կամ նոր է սկսվել։ «Ակնկալվում է, որ տուրիզմի հատվածն ավելի արագ կվերականգնվի պատվաստման բարձր մակարդակ ունեցող երկրներում, ինչպիսին են Ֆրանսիան, Գերմանիան, Շվեյցարիան, Մեծ Բրիտանիան եւ ԱՄՆ-ը»,- նշում են փորձագետները։ Միեւնույն ժամանակ, նրանց կարծիքով, այդ հատվածը կհասնի այն ցուցանիշներին, որոնք եղել են մինչեւ կորոնավիրուսի համավարակը, միայն 2023թ. կամ դրանից ուշ։ Ճյուղի զարգացման գլխավոր խոչընդոտները զեկույցում նշված են «ճամփորդությունների սահմանափակումները, վիրուսի տարածման դանդաղ զսպումը, ճանապարհորդների ցածր վստահությունը եւ սուղ տնտեսական միջավայրը»։ «Աշխարհը գլոբալ պատվաստման ջանքերի կարիք ունի, որը կպաշտպանի աշխատողներին, կհարթի բացասական սոցիալական հետեւանքները, կհանգեցնի ռազմավարական որոշումների ընդունման տուրիզմի ոլորտում՝ հաշվի առնելով պոտենցիալ կառուցվածքային փոփոխությունները»,- ասել է ՅՈւՆԿՏԱԴ գլխավոր տնօրենի պաշտոնակատար Իզաբել Դյուրանը։

2020թ.  գլոբալ ՀՆԱ ուղղակի եւ անուղղակի կորուստները միջազգային տուրիզմի անկման հետեւանքով կազմել են, ՅՈւՆԿՏԱԴ գնահատականներով, 2,4 տրլն դոլար։ 12 ամիսների ընթացքում միջազգային զբոսաշրջային ուղեւորությունների թիվը կրճատվել է 1 մլրդ-ով կամ 73 տոկոսով։ Ընդ որում՝ հատկապես խիստ տուժել են զարգացող երկրները, որտեղ զբոսաշրջիկների հոսքը, ըստ գնահատականների՝ կրճատվել է 60-80 տոկոսով։ Ամենամեծ կորուստները կրել են Հյուսիսարեւելյան եւ Հարավարեւելյան Ասիայի երկրները, ինչպես նաեւ Օկեանիան, Հյուսիսային Աֆրիկան եւ Հարավային Ասիան։ Միեւնույն ժամանակ, տուրիզմի անկումն ամենից քիչն անդրադարձել է Հյուսիսային Ամերիկայի, Արեւմտյան Եվրոպայի եւ Կարիբյան ավազանի վրա։

Կարդալ ավելին
Գրել Մեկնաբանություն

Թողնել մեկնաբանություն

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Տնտեսություն

Հայաստանը նոր ատոմակայան ունենալու մտադրություն ունի․ Գնել Սանոսյան

224

By

Նոյեմբերի 16-ին լրագրողների՝ Հայկական ատոմակայան շրջայցի ժամանակ նախարարը հայտարարեց, որ Հայաստանի էներգետիկ համակարգում ատոմային էներգետիկայի դերը շատ մեծ է․ «Մենք շարունակելու ենք մեծ տեղ տալ դրա զարգացմանը։ Մեր միտքը հետևյալն է՝ Հայաստանում ոչ մի օր չպետք է դադարեցվի ատոմային էներգիայի արտադրությունը»։ 

Լրագրողների շրջայցը կազմակերպվել էր ՀԱԷԿ-ի 2-րդ էներգաբլոկի արդիականացման ու շահագործման ժամկետը մինչև 2026-ը երկարաձգելու առիթով: Կայանի արդիականացումը սկսվել է 2015-ին։ Այդ ժամանակահատվածում իրականացվել են կայանի անվտանգության բարձրացման, սարքավորումների ստուգման ու փոխարինման աշխատանքներ, ինչի արդյունքում էներգաբլոկի հզորությունը աճել է 15 տոկոսով՝ միջուկային վառելիքի նույն ծախսով։ Նախատեսվում է ատոմակայանի աշխատելու ժամկետը երկարացնել մինչև 2036-ը։ 

«Բոլոր նախապայմանները կան դրա համար, այսինքն՝ բոլոր աշխատանքներն արված են այս փուլում, և իհարկե հաջորդ տարիներին նույնպես նախանշված որոշակի աշխատանքներ կան, որոնք ընստ գրաֆիկի կիրականացնենք»,- նշեց Գնել Սանոսյանը։

Սանոսյանի խոսքով՝ մտադիր են այնպես անել, որ գործող կայանի շահագործման ժամկետների ավարտին լինի նոր էներգաբլոկ և այն անմիջապես միացնել ցանցին։ Նա կարծում է՝ նոր էներգաբլոկի կառուցման աշխատանքները կսկսվեն 2026-2027-ին։

Նոր էներգաբլոկի հզորությունը դեռ հայտնի չէ, սակայն նախարարի խոսքով՝ այն առնվազն կունենա այն հզորությունը, որն ունի գործող կայանը՝ մոտ 400-450 մվտ։ Գնել Սանոսյանը նշեց նաև, որ նոր էներգաբլոկի կառուցման ծրագրում գլխավոր գործընկերը «Ռոսատոմ»-ն է։

«Մենք «Ռոսատոմ»-ի գործընկներների հետ շարունակում ենք մտածել, քննարկել, նույնիսկ առաջիկայում որոշակի փաստաթղթեր նախապատրաստել հետագա համագործակցության և նոր էներգաբլոկի կառուցման շուրջ»,- ասաց նախարարը։

Կարդալ ավելին

Տնտեսություն

Հայաստանում ներդրողները խնդիրներ են ունենում կամ կառավարության, կամ բյուրոկրատական շրջանակների հետ. Զարեհ Սինանյան

602

By

2018 թվականին հայտարարվեց, որ «թավշյա» հեղափոխությունից հետո սփյուռքից հսկայական ներդրումներ կգան Հայաստան, եւ որ երկիրը լուրջ տնտեսական աճ կարձանագրի: Այնուամենայնիվ, այս ամենն այդպես էլ տեղի չունեցավ: Այս մասին սեպտեմբերի 23-ին Մարդու իրավունքների պաշտպանության եւ հանրային հարցերի մշտական ​ հանձնաժողովի կազմակերպած քննարկումների ժամանակ հայտարարել է ընդդիմադիր «Հայաստան» դաշինքի պատգամավոր Արեգնազ Մանուկյանը՝ դիմելով Սփյուռքի գործերի գլխավոր հանձնակատար Զարեհ Սինանյանին:  

Նա, մասնավորապես, հարցրել է, թե ուր են կորել խոստացված ներդրումները եւ աննախադեպ տնտեսական աճը:

Ի պատասխան՝ Սինանյանը հայտարարել է, որ ավելի ճիշտ կլինի այս հարցը ուղղել էկոնոմիկայի նախարարությանը, քանի որ ինքը վիճակագրական տվյալների չի տիրապետում, ուստի չի կարող լիարժեք պատասխանել հարցին:

«Ես կարող եմ միայն ընդհանուր կերպով անդրադառնալ այս թեմային եւ մատնանշել ներդրումային ոլորտում առկա խնդիրները: Հայաստանում ներդրումների հետ կապված խնդիրները հիմնականում կայանում են նրանում, որ երբ մարդիկ ինչ-որ տեղ ներդրումներ կատարելու ցանկություն են հայտնում, նրանց մոտ անմիջապես դժվարություններ են առաջանում կառավարության կամ տարբեր տեսակի բյուրոկրատական ​​շրջանակների հետ», — պարզաբանել է Սփյուռքի գործերի գլխավոր հանձնակատարը:

https://news.am/arm/news/664232.html

Կարդալ ավելին

Տնտեսություն

Այս տարի խաղող կմթերի 50 մեծ ու փոքր գործարան, 115-ի փոխարեն՝ 130 դրամով․ Պապիկյան

420

By

Կարդալ ավելին

Տնտեսություն

Հայաստանը դիտարկում է այլ երկրներից գազ ներմուծելու հնարավորությունը․ փոխվարչապետ

494

By

Մենք դիտարկում ենք այլ երկրներից գազ ներմուծելու հնարավորությունը: Այս մասին սեպտեմբերի 17-ին լրագրողներին հետ զրույցում ասաց ՀՀ փոխվարչապետ Մհեր Գրիգորյանը:

Սակայն այս հարցը, նրա խոսքով, կապված է ենթակառուցվածքային լուծումների հետ: «Այս մոտեցումը կիրառվում է: Խոսքն Իրանի հետ գործարքի մասին է»,-ասաց նա։

Հիշեցնենք, որ Հայաստանը Ռուսաստանից գազը է գնում 1000 խմ-ի դիմաց 165 դոլարով: Բացի այդ, «Գազ՝ էլեկտրաէներգիայի դիմաց» ծրագիրը գործում է Հայաստանի եւ Իրանի միջեւ:  

Կարդալ ավելին

Տեխնոլոգիաներ

Հայաստանյան codesignal ընկերությունը ներգրավել է 50 մլն դոլար ներդրում

356

By

Տիգրան Սլոյանի և Արամ Շատախցյանի հիմնադրած codesignal ընկերությունը ներգրավել է 50 մլն դոլար ներդրում` ընկերության շուկայական արժեքը մեկ տարուց ավելի քիչ ժամանակահատվածում քառապատկելով և հասցնելով 500 մլն դոլարի։ Այս մասին Ֆեյսբուքի իր էջում տեղեկացրել է ՀՀ էկոնոմիկայի նախարար Վահան Քերոբյանը:

«Հերթական չնաշխարհիկ կիսվելու արժանի նորությունը տեխ համայնքից.

Տիգրան Սլոյանի և Արամ Շատախցյանի հիմնադրած codesignal ընկերությունը ներգրավել է 50մլն դոլար ներդրում` ընկերության շուկայական արժեքը մեկ տարուց ավելի քիչ ժամանակահատվածում քառապատկելով և հասցնելով 500մլն դոլարի։ C ռաունդն առաջնորդել է առաջնակարգ index ventures վենչուրային ֆոնդը։

Տիգրան Սլոյանն ինձ փոխանցեց, որ Հայաստանյան գրասենյակում բազմաթիվ նոր աշխատատեղեր սպասում են իրենց զբաղեցնողներին, որի մասին տեղեկությունը կդնեմ առաջին մեկնաբանության մեջ»,-ասված է նախարարի գրառման մեջ։

Կարդալ ավելին

Facebook

Ամենադիտվածներ