Միացեք մեզ

Իրավունք

Սերժ Սարգսյանը կանչվել է հարցաքննության՝ որպես մեղադրյալ

304
Հետևե՛ք մեզ Telegram-ում

Հայաստանի երրորդ նախագահ Սերժ Սարգսյանը հարցաքննության է կանչվել որպես մեղադրյալ։ Այս մասին Ֆեյսբուքի իր էջում գրել է Սարգսյանի պաշտպան Ամրամ Մակինյանը։

Ըստ փաստաբանի՝ գործը վերաբերում է կաշառք վերցնելուն։

«Քիչ առաջ ծանուցում եմ ստացել հակակոռուպցիոն կոմիտեի վարչության պետ Հր․Մուշեղյանից այն մասին, որ ՀՀ երրորդ նախագահ Սերժ Սարգսյանը հարցաքննության է կանչվում որպես մեղադրյալ։Եվ զավեշտն այն է, որ երեք ու կես տարի Սիլվայի ցուցմունքը վերցնել-դնելով այսօր «որոշել են», որ նա նաև Սերժ Սարգսյանին է կաշառք տվել և դա այն դեպքում, երբ նույն գործով դեռևս երկու տարի առաջ Սերժ Սարգսյանը հարցաքննվել է որպես վկա և մինչ օրս որևէ նոր հանգամանք իրավական առումով չի փոխվել և չի ավելացել»,- գրել է Մակինյանը։

Իրավունք

Հունվարի 1-ից մինչև 2 տարեկան երեխայի խնամքի նպաստը կավելանա 2100 դրամով

156

By

Աշխատանքի և սոցիալական հարցերի նախարարությունն առաջարկում է ավելացնել մինչև 2 տարեկան երեխայի խնամքի նպաստի չափը։ Կառավարության համապատասխան որոշման նախագիծը ներկայացվել է իրավական ակտերի նախագծերի հրապարակման միասնական կայքում։

«Պետական նպաստների մասին» օրենքի 6-րդ հոդվածի 4-րդ մասի համաձայն՝ պետական նպաստների չափերը, դրանց նշանակման և վճարման կարգերը հաստատում է ՀՀ կառավարությունը:

Գործադիրի որոշմամբ՝ 2020 թվականի հուլիսի 1-ից մինչև 2 տարեկան երեխայի խնամքի նպաստի չափը սահմանվել է 26 500 դրամ։ Այժմ աշխատանքի և սոցիալական հարցերի նախարարությունն առաջարկում է 2022թ․ հունվարի 1-ից այդ նպաստի չափը ավելացնել 2100 դրամով՝ դարձնելով 28 600 դրամ։

Աշխատանքի և սոցիալական հարցերի նախարարությունն ընդգծում է, որ որոշման նախագծի ընդունումից հետո ՀՀ պետական բյուջեի եկամուտները և ծախսերը չեն ավելանա:

Հավելենք, որ նախագիծը օրինական ուժ կստանա միայն կառավարության հավանությանն արժանանալուց հետո

Կարդալ ավելին

Իրավունք

ՄԻԵԴ-ը մինչև դեկտեմբերի 1-ը ժամանակ է տվել Բաքվին՝ տեղեկություններ տրամադրելու նոյեմբերի 16-ին գերեվարված զինծառայողների մասին

304

By

Մարդու իրավունքների Եվրոպական դատարանը (ՄԻԵԴ) մինչև դեկտեմբերի 1-ը ժամանակ է տրամադրել պաշտոնական Բաքվին՝ տեղեկություններ տրամադրելու նոյեմբերի 16-ից Սյունիքի մարզի սահմանային հատվածից գերեվարված զինծառայողների վերաբերյալ։

Գերեվարված զինվորներից մեկին Ադրբեջանը օրերս էր վերադարձրել։ Հայկական կողմի տվյալներով, որ արյունալի մարտերից հետո ևս 31 զինծառայող ադրբեջանական գերության մեջ է։

Ստրասբուրգ դիմումներ ուղարկել էին ՄԻԵԴ-ում Հայաստանի կառավարության ներկայացուցչի գրասենյակը, ինչպես նաև իրավապաշտպաններ Սիրանուշ Սահակյանը և Արտակ Զեյնալյանը։ Նրանք միջազգային դատարանին խնդրել էին հրատապ միջոցներ կիրառել, որպեսզի Բաքուն տեղեկություն տրամադրի այս նոր գերիների մասին, ինչպես նաև ապահովի նրանք կյանքի իրավունքը:

Գերեվարված զինծառայողները հիմնականում Վանաձորի «Դուց» ու Ջերմուկի զորամասերից են։ Վերջին անգամ նոյեմբերի 15-ին պայմանագրային զինծառայող ամուսնու հետ հեռախոսով զրուցած կինն ասաց՝ ընտանիքը մեծ հույս է կապում Եվրոպական դատարանի հետ։ Կինը ամուսնուն նոյեմբերի 16-ի մարտերից հետո արդեն արդեն ադրբեջանցիների տարածած տեսանյութերում էր տեսել։ Պատմեց՝ ինչ դուռ ասես չեն ծեծել, այդ թվում և հասել են Կարմիր Խաչի միջազգային կոմիտե, բայց դեռևս ոչ մի նորություն չունեն։ Կարմիր Խաչից ավելի վաղ բացատրել էին՝ գերիներին կկարողանան այցելել միայն այն դեպքում, երբ Բաքուն հաստատի, որ նրանք իր տարածքում են։

«Հույս ունեմ, որ ամեն ինչ լավ է լինելու, մենակ ուզում եմ շուտ տուն բերեն իրանց, ուրիշ ոչ մի բան», — ասաց գերեվարվածի կինը:

ՄԻԵԴ-ում Հայաստանի կառավարության ներկայացուցչի գրասենյակի աշխատակազմի ղեկավար Լիպարիտ Դրմեյանը, նախկին փորձը աչքի առաջ ունենալով, չի բացառում, որ Ադրբեջանը կամ չարձագանքի Եվրադատարանին, կամ էլ երկար ժամանակ խնդրի տեղեկություններ ներկայացնելու համար։

«Դատարանն այս պահին տեղեկատվություն է պահանջել անձանց վերաբերյալ՝ ինչ վիճակում են պահվում, առողջական վիճակ և այլն: Այդ տեղեկատվությունը ստանալուց հետո դատարանը կորոշի ինչպիսի միջոցներ կիրառել, Ադրբեջանին ինչպիսի ցուցումներ տալ», — ասաց Դրմեյանը:

Օրերս իր առցանց ասուլիսում վարչապետ Նիկոլ Փաշինյանը տեղում հաշվել ու հայտարարել էր, թե չճշտված տեղեկություններով նոյեմբերի 16-ի մարտերից հետո 32 զինծառայող է գերի ընկել։ Քանի որ նրանցից մեկ արդեն մեկն վերադարձվել է, Ստրասբուրգի դատարանն այժմ կզբաղվի 31-ի իրավունքներով, ասում է Լիպարիտ Դրմեյանը։ Ըստ պաշտոնյայի, այս թիվը ստացվել է տարբեր աղբյուրներ համադրելով։

«Ի վերջո պետք է հասկանալ, որ հստակ տեղեկատվություն այս պահին կոնկրետ անձի գտնվելու վերաբերյալ կարող է ստացվել միայն այն կողմից, ում տիրապետության տակ անձը գտնվում է, դրա համար է նաև նախաձեռնվում Եվրոպական դատարան դիմելու այս գործընթացը: Այսինքն՝ քանի դեռ պատասխան մենք չենք ստացել մյուս կողմից փաստացի իր տիրապետության տակ գտնվող անձանց թվի, վիճակի վերաբերյալ, մեր դատողությունները բացառապես այն տեղեկատվության շրջանակում են լինելու, որը մենք ունենք», — ընդգծեց Դրմեյանը:

Եվրոպական դատարանում կառավարության ներկայացուցչի գրասենյակի աշխատակազմի ղեկավարի խոսքով, դատարանի այս միջնորդությունը թույլ է տալիս ռազմագերներին պաշտպանել ոտնձգություններից, Եվրադատարանի հետաքրքրությունը որոշակի զսպող մեխանիզմ է։

Զինծառայողներից չորսի մասին ՄԻԵԴ դիմումներ ուղարկած իրավապաշտպան Արտակ Զեյնալյանն, իր հերթին, ներկայացնում է այն հարցերը, որոնց պատասխանները ակնկալում են ստանալ պաշտոնական Բաքվից. — «Արդյոք գերի վերցրե՞լ է այս անձանց, թե՞ ոչ, ինչպիսի՞ պայմաններում են պահվում նրանք, արդյոք ենթարկվե՞լ են բժշկական հետազոտության և սպասարկման: Հարցերի պատասխանները պետք է փաստաթղթավորված ներկայացվի Եվրոպական դատարան, և արդյոք պատրաստվո՞ւմ են վերադարձնել գերիներին հայկական կողմին»:

Իրավապաշտպանը շեշում է՝ Եվրոպական դատարան ներկայացրած իրենց դիմումներում խնդրել են, որ դատարանն ապահովի զինվորների կյանքի իրավունքը՝ պարտադրելով Ադրբեջանին կատարել այնպիսի գործողություններ, որոնք անդառնալի կորուստներ թույլ չեն տա։

«Կյանքի իրավունքն ապահովելու և պաշտպանելու բովանդակության բաղկացուցիչ մաս է կազմում նաև վերադարձնելը, ազատելն ադրբեջանական իրավազորությունից: Այդ անձանց կյանքին վտանգ է սպառնում միայն նրանց հայ լինելու հատկանիշով, Հայաստանի քաղաքացի հանդիսանալու հատկանիշով պայմանավորված: Մենք նաև սրանք ենք հիմնավորել, ապացուցել, պատճառաբանել, որ Ադրբեջանի իշխանության իրավազորության ներքո գտնվելը մարդու կյանքին, եթե նա ազգությամբ հայ է, վտանգ է սպառնում», — ասաց Զեյնալյանը:

Ադրբեջանը մինչև վերջին մարտերը հաստատում էր, որ իր տարածքում 40 գերի կա, նրանցից երեքը խաղաղ բնակիչներ են։ Հայկական կողմն, իր հերթին, հայտարարում է՝ շուրջ 100 ռազմագերու մասին ողջամիտ եզրահանգումներ ունի, որ նրանք գտնվել են Ադրբեջանի իրավասության ներքո։ Պատերազմից հետո մինչ օրս Հայաստան է վերադարձել 114 գերի։

Կարդալ ավելին

Իրավունք

36-ամյա կինը հարկադրել է տարբեր անձանց հետ ունենալ սեռական հարաբերություն և ստացած գումարները տալ իրեն

390

By

ՀՀ քննչական կոմիտեի հատկապես կարևոր գործերի քննության գլխավոր վարչությունում իրականացված բազմակողմանի քննությամբ պարզվել են հոգեկան խանգարման հետևանքով իր արարքի բնույթն ու նշանակությունը գիտակցելու հնարավորությունից մասամբ զրկված անձին, նախնական համաձայնությամբ, սեռական շահագործման ենթարկելու դեպքի հանգամանքները:

Մինչդատական վարույթում իրականացված քննչական և դատավարական այլ գործողությունների արդյունքում պարզվել է, որ 36 և 44-ամյա կանայք Երևան քաղաքում զբաղվելով մարմնավաճառությամբ, ծանոթացել և ժամանակի ընթացքում մտերմացել են։ Վերջիններս տեղյակ լինելով նույն տարածքում մարմնավաճառությամբ զբաղվող կնոջ հոգեկան հիվանդության առկայության մասին, որոշել են օգտվել այդ հանգամանքից և շահագործել նրան:

Այսպես՝ 36-ամյա կինը վերջինիս բնակեցրել է իր բնակարանում և կյանքի կամ առողջության համար վտանգավոր բռնություն գործադրելով և դրանց գործադրման սպառնալիքներով 2021թ. մարտի 4-ից մինչև ապրիլի 20-ն ընկած ժամանակահատվածում հարկադրել է տարբեր, այդ թվում՝ իր կողմից առաջարկված անձանց հետ ունենալ սեռական հարաբերություն և ստացած գումարները տալ իրեն, իսկ 44-ամյա կինը տեղում վերահսկողություն է իրականացրել և մատուցած ծառայությունների արդյունքում ստացած գումարները վերցրել և փոխանցել է ընկերուհուն:

Միաժամանակ նրանցից մեկի ծանոթը, տեղյակ լինելով վերը նշվածի մասին և օժանդակելով հանցագործության կատարմանը, պարբերաբար տեղեկություններ է հայտնել հոգեկան խանգարման հետևանքով իր արարքի բնույթն ու նշանակությունը գիտակցելու հնարավորությունից մասամբ զրկված կնոջ վերաբերյալ:

Ձեռք բերված բավարար ապացույցների համակցությամբ՝ երկու կանանց մեղադրանք է առաջադրվել՝ ՀՀ քրեական օրենսգրքի 1322-րդ հոդվածի 2-րդ մասի 2-րդ և 4-րդ կետերով, իսկ նրանց ծանոթին՝ 38-1322-րդ հոդվածի 2-րդ մասի 2-րդ և 4-րդ կետերով: Կանանց նկատմամբ որպես խափանման միջոց կիրառվել է կալանավորումը, իսկ ծանոթի նկատմամբ՝ ստորագրություն՝ չհեռանալու մասին:

Նախաքննությունն ավարտվել է, և քրեական գործը, մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է դատավարական հսկողություն իրականացնող դատախազին:

Կարդալ ավելին

Իրավունք

Էլեկտրոնային ծառայությունը կհարկվի. Googlе, Facebook և այլ ընկերություններից առարկություն չկա

134

By

Հայաստանում 2022 թվականի հունվարի 1-ից առաջարկվող օրենսդրական փոփոխությունների համաձայն՝ էլեկտրոնային ծառայություններ մատուցող ոչ ռեզիդենտ կազմակերպությունները պետք է վճարեն ԱԱՀ: «Արմենպրես»-ի մամուլի սրահում հրավիրված ասուլիսում ՊԵԿ տեղեկատվական համակարգերի փոփոխությունների կառավարման և ազդեցությունների գնահատման բաժնի պետ Լուսինե Այվազյանը նշեց, որ արդեն աշխատանքներ են տարվում Հայաստանում էլեկտրոնային ծառայություններ մատուցող խոշոր միջազգային ընկերությունների հետ:

«Մենք քննարկումներ ենք անցկացրել Googlе, Facebook, Booking, Amazon, Netflix և այլ կազմակերպությունների ներկայացուցիչների հետ: Ասեմ, որ ոչ մի ոչ ռեզիդենտ կազմակերպության կողմից հարկ վճարելու հետ կապված որևէ առարկություն չի եղել: Բոլորը հաշվառվելու պատրաստակամություն են հայտնել: Քննարկումների ժամանակ հարց է բարձրացվել համակարգը պարզ դարձնելու, դրա ավելի հարմար կիրառության հետ կապված: Նշեմ նաև, որ հարց է բարձրացվել ԱԱՀ-ի հաշվարկման համար հաշվետու ժամանակահատվածը եռամսյակը մեկը սահմանելու մասին: Քննարկվել է նաև ծառայությունների մատուցման պահն ըստ վճարման որոշելու առաջարկը»,- ասաց Լուսինե Այվազյանը:

Այս նոր փոփոխությունները կնպաստեն պետական բյուջե ուղղվող գումարների ավելացմանը: Թե տարեկան որքան գումար կմտնի բյուջե, դեռ հստակ չէ: ՊԵԿ-ը չի շտապում թիվ հնչեցնել:

Առաջարկվող օրենսդրական փոփոխություններից բացի կառավարությունը կսահմանի էլեկտրոնային ծառայությունների ամբողջական ցանկը: Օրինակ՝ կներառվեն տեղեկատվական հեռահաղորդակցական ցանցերի միջոցով գովազդային ծառայությունների մատուցումը, էլեկտրոնային հարթակների տրամադրումը, էլեկտրոնային գրքեր ընթերցելու, ֆիլմեր դիտելու ծառայությունները և այլն: ՊԵԿ հարկերի և պարտադիր վճարների մեթոդաբանության թիվ 1 բաժնի պետ Ասանեթ Ալոյանը նշեց, որ էլեկտրոնային առևտրի մասով այս նախագծով կարգավորումներ նախատեսված չեն:

Առաջարկվող օրենսդրական փոփոխություններում կա բաղադրիչ Հայաստանի այն ռեզիդենտ կազմակերպությունների համար, որոնք էլեկտրոնային ծառայություններ են մատուցում:

«ԱԱՀ վճարող ռեզիդենտին վերաբերում է այն մասով, որ որոշ էլեկտրոնային ծառայությունների հետ կապված լինելու են հարկման առավել բարենպաստ կարգավորումներ այն առումով, որ այդ ծառայությունները, գործող կարգավորումներով հարկվում են ԱԱՀ 20% դրույքաչափով, իսկ փոփոխություններով նախատեսվում է ԱԱՀ 0% դրույքաչափի կիրառում։ Օրինակ՝ կարող եմ ասել, Հայաստանում գտնվող կազմակերպությունը, որն օնլայն կրթական ծառայություն է մատուցում դրսում, այսինքն՝ ծառայությունը ստացողը ոչ ռեզիդենտ է, ապա այն կարող է չհարկվել»,- ասաց Ասանեթ Ալոյանը:

Ինչ վերաբերում է այն ֆիզիկական անձանց, որոնք Հայաստանում էլեկտրոնային ծառայություն են մատուցում, ապա ՊԵԿ ներկայացուցիչները նշեցին, որ իրենց մասով որևէ հարկային պարտավորություն չկա: Ինչպես աշխատել, այնպես էլ կարող են շարունակել աշխատել:

Կարդալ ավելին

Իրավունք

Գործատուն իրավունք կունենա աշխատանքային պայմանագիրը լուծելու՝ հակահամաճարակային կանոններով թղթեր չներկայացնելու համար

280

By

Աշխատանքի և սոցիալական հարցերի նախարարութունը հանրային քննարկման է ներկայացրել Աշխատանքային օրենսգրքում և «Հանրային ծառայության մասին» օրենքում լրացումներ կատարելու վերաբերյալ նախագիծ, որով սահմանվում են աշխատողին աշխատանքի չթույլատրելու, գործատուի կողմից աշխատանքային պայմանագիրը լուծելու, հանրային պաշտոն զբաղեցնող անձին կամ հանրային ծառայողին աշխատանքի չթույլատրելու և լիազորությունների դադարեցման կամ զբաղեցրած պաշտոնից ազատելու հիմքերն այն դեպքերի համար, երբ աշխատանքի ներկայանալիս աշխատողի կողմից չի ներկայացվում բնակչության սանիտարահամաճարակային անվտանգության ապահովման մասին օրենսդրությամբ սահմանված՝ աշխատանքի ներկայանալու անհրաժեշտ պայման հանդիսացող փաստաթղթերը։ Այս մասին տեղեկանում ենք Իրավական ակտերի նախագծերի հրապարակման միասնական կայքից։

Նախատեսվում է․

Աշխատանքային օրենսգրքի 108-րդ հոդվածը, որով սահմանված են աշխատանքի չթույլատրելու դեպքերը, ավելացնել նոր՝ 1․1 մասով, ըստ որի՝

Աշխատանքի ներկայանալիս բնակչության սանիտարահամաճարակային անվտանգության ապահովման մասին օրենսդրությամբ սահմանված՝ վարակիչ հիվանդությունների տարածման կանխարգելմանն ուղղված սանիտարահամաճարակային անվտանգության կանոններով նախատեսված` աշխատանքի ներկայանալու անհրաժեշտ պայման հանդիսացող փաստաթղթերը աշխատողի կողմից չներկայացնելու դեպքում գործատուն աշխատողին չի թույլատրում գտնվելու աշխատավայրում, կատարելու իր աշխատանքային պարտականությունները և չի վճարում աշխատավարձ մինչև սույն մասով նախատեսված փաստաթղթերը ներկայացնելը:

Լրացում կկատարվի նաև 113-րդ հոդվածում, որով նախատեսվում է աշխատանքային պայմանագրի լուծումը՝ գործատուի նախաձեռնությամբ։ Նոր կետի համաձայն, գործատուն իր նախաձեռնությամբ կարող է լուծել աշխատանքային պայմանագիրը՝ վերոնշյալ դեպքում աշխատանքի չթույլատրվելու հետևանքով ավելի քան 30 օր անընդմեջ կամ վերջին տասներկու ամսվա ընթացքում` ավելի քան 50 օր աշխատողի՝ իր աշխատանքային պարտականությունները չկատարելու դեպքում:

Աշխատողի պարտականությունները, որը սահմանվածէ 216-րդ հոդվածով, կլրացվի, ըստ որի․

«Աշխատողը պարտավոր է բարեխղճորեն կատարել աշխատանքային պայմանագրով ստանձնած պարտավորությունները, պահպանել կազմակերպության ներքին կարգապահական կանոնները, աշխատանքային կարգապահությունը, կատարել աշխատանքի սահմանված նորմաները, պահպանել աշխատանքի պաշտպանության և անվտանգության ապահովման պահանջները, վարակիչ հիվանդությունների տարածման կանխարգելմանն ուղղված սանիտարահամաճարակային անվտանգության կանոնները, բարեխղճորեն վերաբերվել գործատուի և այլ աշխատողների գույքին, ինչպես նաև մարդկանց կյանքին ու առողջությանը, գործատուի գույքի պաշտպանությանն սպառնացող վտանգի ծագման մասին անմիջապես տեղեկացնել գործատուին։

«Հանրային ծառայության մասին» օրենքում ևս լրացումներ կկատարվեն։ Օրենքը կլրացվի նոր՝ 16.1-ին հոդվածով․

Հանրային պաշտոն զբաղեցնող անձին կամ հանրային ծառայողին աշխատանքի (ծառայության) չթույլատրելու, պաշտոնից կամ ծառայությունից ազատելու (լիազորությունները կամ ծառայությունը դադարեցնելու) առանձնահատուկ հիմքերը

1.           Աշխատանքի (ծառայության) ներկայանալիս բնակչության սանիտարահամաճարակային անվտանգության ապահովման մասին օրենսդրությամբ սահմանված՝ վարակիչ հիվանդությունների տարածման կանխարգելմանն ուղղված սանիտարահամաճարակային անվտանգության կանոններով նախատեսված` աշխատանքի ներկայանալու անհրաժեշտ պայման հանդիսացող փաստաթղթերը հանրային պաշտոն զբաղեցնող անձի կամ հանրային ծառայողի կողմից չներկայացնելու դեպքում նրան չի թույլատրվում գտնվելու աշխատավայրում, կատարելու իր աշխատանքային (ծառայողական) պարտականությունները և չի տրամադրվում վարձատրություն՝ մինչև սույն մասով նախատեսված փաստաթղթերը ներկայացնելը:

2.           2. Սույն հոդվածի 1-ին մասով սահմանված դեպքում իր աշխատանքային (ծառայողական) պարտականությունների կատարումը չթույլատրվելու հետևանքով ավելի քան 30 օր անընդմեջ կամ վերջին տասներկու ամսվա ընթացքում` ավելի քան 50 օր աշխատանքային (ծառայողական) պարտականությունները չկատարելը հանրային պաշտոն զբաղեցնող անձին պաշտոնից ազատելու կամ հանրային ծառայողի լիազորությունները դադարեցնելու (ծառայությունից ազատելու կամ ծառայությունը դադարեցնելու) հիմք է: Սույն մասով նախատեսված հիմքի ի հայտ գալու դեպքում երեք աշխատանքային օրվա ընթացքում ընդունվում է համապատասխանաբար հանրային պաշտոն զբաղեցնող անձին պաշտոնից ազատելու կամ հանրային ծառայողի լիազորությունները դադարեցնելու (ծառայությունից ազատելու կամ ծառայությունը դադարեցնելու) մասին համապատասխան իրավական ակտ, եթե պաշտոնից կամ ծառայությունից ազատելու (լիազորությունները կամ ծառայությունը դադարեցնելու) այլ ժամկետ սահմանված չէ օրենսդրությամբ:

3.           Սույն հոդվածի կարգավորումները չեն տարածվում Հանրապետության նախագահի, Ազգային ժողովի պատգամավորի, վարչապետի, համայնքի ղեկավարի և համայնքի ավագանու անդամի, Մարդու իրավունքների պաշտպանի, Սահմանադրական դատարանի դատավորի, անկախ պետական մարմնի անդամի, ինքնավար մարմնի անդամի, Վիճակագրության պետական խորհրդի անդամի, վճռաբեկ, վերաքննիչ և առաջին ատյանի դատարանի դատավորի, գլխավոր դատախազի պաշտոնների վրա։»։

Նախագծի հիմնավորման մեջ նշվում է, որ ներկայում ինչպես Հայաստանի Հանրապետությունում, այնպես էլ ամբողջ աշխարհում շարունակում է պահպանվել կորոնավիրուսային հիվանդությամբ (COVID-19) ստեղծված արտակարգ իրավիճակը: Նման իրավիճակի պահպանման պայմաններում, աշխարհում, այդ թվում՝ Հայաստանում, նկատվում է կորոնավիրուսային հիվանդությամբ վարակվելու դեպքերի, ինչպես նաև այդ հիվանդության հետևանքով մահվան դեպքերի թվերի աճ:

Այսպես, օգոստոսի վիճակագրական պատկերը հետևյալն է.

1) առաջին շաբաթվա ընթացքում (01-07.08.2021թ.) կորոնավիրուսային հիվանդության հաստատված դեպքերի թիվը կազմել է 1,818 դեպք՝ կատարված 43,897 թեստավորումներից (4.14%), իսկ մահվան դեպքերի թիվը՝ 31.

2) երկրորդ շաբաթվա ընթացքում (08-14.08.2021թ.) կորոնավիրուսային հիվանդության հաստատված դեպքերի թիվը կազմել է 2,401 դեպք՝ կատարված 40,281 թեստավորումներից (5.96%), իսկ մահվան դեպքերի թիվը՝ 45.

3) երրորդ շաբաթվա ընթացքում (15-21.08.2021թ.) կորոնավիրուսային հիվանդության հաստատված դեպքերի թիվը կազմել է 3,076 դեպք՝ կատարված 46,082 թեստավորումներից (6.67%), իսկ մահվան դեպքերի թիվը՝ 57.

4) չորրորդ շաբաթվա կեսի դրությամբ (22-29.08.2021թ.) կորոնավիրուսային հիվանդության հաստատված դեպքերի թիվը կազմել է 3,702 դեպք՝ կատարված 42,890 թեստավորումներից (8.63%), իսկ մահվան դեպքերի թիվը՝ 71:

Կարդալ ավելին

Facebook

Ամենադիտվածներ