Միացեք մեզ

Քաղաքականություն

Ուկրաինայի հետախուզություն. Ռուսաստանը հարձակման է նախապատրաստվում գալիք ձմռանը

210
Հետևե՛ք մեզ Telegram-ում

Ռուսաստանը Ուկրաինայի սահմաններին տեղակայել է ավելի քան 92 հազար զինծառայող և պատրաստվում է հարձակման, որը կարող է տեղի ունենալ 2022 թվականի հունվարի վերջին և փետրվարի սկզբին: Այդ մասին Military Times պարբերականին տված հարցազրույցում հայտարարել է Ուկրաինայի պաշտպանության նախարարության Գլխավոր հետախուզական վարչության պետ Կիրիլ Բուդանովը։ Նրա խոսքով՝ հարձակումը կարող է լինել Օդեսայի և Մարիուպոլի ուղղությամբ, հրետանիով և զրահատանկերով, որին կհաջորդի դեսանտի հարվածը։ Բացի այդ, փոքր թվով ուժեր կարող են հարձակվել նաև Բելառուսի տարածքից։ Բուդանովը կարծում է, որ այդ հարձակումը կարող է լինել ավելի կործանարար, քան երբեև եղել է 2014 թվականից ի վեր:

Ուկրաինացի զինվորականի պնդմամբ՝ հարձակմանը կնախորդի հոգեբանական ազդեցության գործողությունների իրականացումը, որն ուղղված է Ուկրաինայի ապակայունացմանն ու նրա մարտունակության վնասմանը։ «Նրանք ցանկանում են անկարգություններ հրահրել` բողոքի ցույցերի և հանրահավաքների միջոցով, որոնք ցույց են տալիս, որ մարդիկ դեմ են կառավարությանը»,- ընդգծել է Բուդանովը։ Նրա պնդմամբ՝ այդ ջանքերը ներառում են նաև հակակորոնավիրուսային պատվաստումների դեմ իրականացվող շարունակական բողոքի ցույցերը։ «Մոսկվան փորձում է նաև անկարգություններ հրահրել՝ շահարկելով տնտեսության և էներգիայի մատակարարման հետ կապված խնդիրները։ Ռուսաստանը, բացի այդ, ակտիվորեն թեժացնում է հակակառավարական տրամադրությունները ՝ կապված «Վագներգեյթ» անվանումը ստացած միջադեպի հետ»,- նշել է Բուդանովը։ Խոսքն Ուկրաինայի հատուկ ծառայությունների ձախողված գործողության մասին է, որով փորձ էր արվում Ուկրաինա տեղափոխել ռուսական Վագներ մասնավոր զինվորական ընկերության մոտ 30 անդամների, որոնք Դոնբասում մասնակցում էին մարտական գործողություններին։

Բուդանովի խոսքով՝ Միացյալ Նահանգների ու Ուկրաինայի հետախուզությունների տվյալները, կապված ռուսական կողմի հարձակման հետ, իրականությանը շատ մոտ են։ Նոյեմբերի 20-ին ամերիկյան CBS հեռուստաընկերությունը հայտնել էր, որ ԱՄՆ հետախուզությունը եվրոպական դաշնակիցներին նախազգուշացրել է Ուկրաինա Ռուսաստանի ռազմական ներխուժման մասին, որի հավանականությունը մեծանում է՝ ցրտերին զուգընթաց։ Ամերիկյան հետախուզությունը կարծում է, որ հարձակումը կարող է տեղի ունենալ մի քանի շաբաթվա ընթացքում, եթե չլինի Արևմուտքի միջամտությունը։

Ռուսաստանն առաջին անգամ չէ, որ զորքեր է տեղակայում Ուկրաինայի հետ սահմանին։ Վերջին անգամ դա տեղի էր ունեցել 2021 թվականի գարնանը, որը մեծ արձագանք էր ստացել աշխարհում։ ԱՄՆ հատուկ ծառայությունները պնդում են, որ եթե գարնանը դրանք ուղղված էին ուժի ցուցադրությանը, ապա ներկայիս իրավիճակը կարող է լինել Դոնբասում փաստացի ներխուժման պատրաստություն։

Ռուսաստանի արտաքին հետախուզական ծառայությունը ամերիկյան կողմի հայտարարություններն անվանել է «ստահոդ»։ «Վերջին ժամանակաշրջանում վաշինգտոնյան պաշտոնյաներն ակտիվորեն վախեցնում են միջազգային հանրությանը Ուկրաինայի նկատմամբ, իբր, Ռուսաստանի կողմից նախապատրաստվող «ագրեսիայի» մասին լուրերով։ Ստացվող տվյալների համաձայն՝ ԱՄՆ Պետքարտուղարությունը դիվանագիտական ալիքներով իր դաշնակիցներին և գործընկերներին հասցնում է բացարձակ կեղծ տեղեկատվություն՝ մեր երկրի տարածքում՝ Ուկրաինա ռազմական ներխուժման համար, ուժերի տեղակայման վերաբերյալ»,- հայտարարել է ռուսական արտաքին հետախուզական ծառայության մամուլի բյուրոն։

Բացի այդ, ռուսական գերատեսչությունը Միացյալ Նահանգներին և Եվրամիությանը մեղադրել է Ուկրաինայի հարավ-արևելյան հատվածում հակամարտության հրահրման մեջ։

Քաղաքականություն

«5165»-ը պայքարը չի շարունակի «Ազատագրական շարժման» հետ. առանձին են գործելու, հանդիպելու են տարբեր ուժերի հետ

276

By

Մեկշաբաթյա մեր ընդվզումն ու բողոքի ակցիան մեզ՝ «5165» շարժման, համար ավարտվեց այսօրվա ուխտագնացությամբ՝ դեպի Էջմիածին: Այս մասին ֆեյսբուքյան իր էջում հայտնել է «5165» շարժման առաջնորդ Կարին Տոնոյանը՝ տեղեկացնելով, որ իրենց գործունեությունն առանձին են այսուհետ ծավալելու:

«Մեկշաբաթյա մեր ընդվզումն ու բողոքի ակցիան մեզ՝ «5165» շարժման, համար ավարտվեց այսօրվա ուխտագնացությամբ՝ դեպի Էջմիածին (ցավոք, հիվանդության պատճառով ես անձամբ մասնակցել չկարողացա): Վաղվանից «Ազատագրական շարժումը» կշարունակի պայքարի իր ճանապարհը, որում նրան հաջողություն ենք մաղթում, իսկ «5165» շարժումը կմտնի պայքարի նոր փուլ՝ համազգային համախմբման գործընթացով բաց հանդիպումներ կազմակերպելով քաղաքական և հասարակական բոլոր ուժերի հետ, մեծ հույսով, որ պիտի կարողանա համախմբել այն ուժերին, որոնք հանուն Հայի և Հայաստանի պատրաստ կլինեն մի կողմ թողնել իրենց խմբային կամ անհատական ամբիցիաները և ձևավորել առաջնորդական այն ուժը, որը հստակ ծրագրով Հայաստանը կհանի այս խորը փոսից:

Ի՞նչ է պետք- հստակ նպատակ, այդ նպատակին հասնելու ծրագիր և կամք, բոլորն էլ ունենք, և եթե անգամ չհաջողվի համախմբել շատ ուժերի, ապա մենակ դուրս կգանք պայքարի, դրա կամքն էլ ունենք:

Մի ցավալի բան միայն անպայման պիտի նշեմ- այս ճանապարհին ում կողքը կանգնեցինք, ասացին՝ գործ չունեք, իրենք ուրիշ տեղից են ուղղորդվում, ում հետ բարևեցինք, ասացին՝ զգույշ, եկել են ձեզ փչացնելու…համոզված եմ նույնը բոլորին են ասում, և այսպես պիտի վախեցած ապրե՞նք, միթե մեր Երկրում չկա ազատ կամքի տեր ժողովուրդ, պարզապես մարդիկ, որոնց համար ամենաթանկը Հայրենիքն է, համոզված եմ՝ կա:

Իսկ ուղղորդվող ուժերից մենք չենք վախենում, քանզի հնարավոր չէ ուղղորդել այն ուժը, որին արդեն ուղղորդում են Հայրենիքի ցավը, մեր Երկինք բարձրացած որդիներն ու Աստված:

Հենց այս երեք հոգևոր ուժերն էլ կօգնեն մեզ մասնատված ամբոխից նորից դառնալ ժողովուրդ ու բռունցքված ազգ»,- գրել է Տոնոյանը:

Կարդալ ավելին

Քաղաքականություն

Հայաստանի վարչապետը, Ռուսաստանի նախագահն ու Ադրբեջանի նախագահը համատեղ հայտարարություն են ընդունել

360

By

Հայաստանի Հանրապետության վարչապետ Նիկոլ Փաշինյանը, Ռուսաստանի Դաշնության նախագահ Վլադիմիր Պուտինը և Ադրբեջանի նախագահ Իլհամ Ալիևը եռակողմ հանդիպման արդյունքներով ընդունել են համատեղ հայտարարություն: Դրանում, մասնավորապես, նշված է.

«Մենք՝ Հայաստանի Հանրապետության վարչապետ Ն.Վ․Փաշինյանը, Ադրբեջանի Հանրապետության նախագահ Ի.Հ. Ալիևը և Ռուսաստանի Դաշնության նախագահ Վ.Վ․Պուտինը, 2021թ. նոյեմբերի 26-ին հանդիպեցինք Սոչի քաղաքում և քննարկեցինք 2020թ. նոյեմբերի 9-ի հայտարարության` Լեռնային Ղարաբաղի հակամարտության գոտում հրադադարի և բոլոր ռազմական գործողությունների ամբողջական դադարեցման իրագործման, ինչպես նաև 2021թ. հունվարի 11-ի՝ տարածաշրջանում բոլոր տնտեսական և տրանսպորտային կապերն ապաշրջափակելու մասին հայտարարության կատարման ընթացքը:

Վերահաստատեցինք 2020թ. նոյեմբերի 9-ի և 2021թ. հունվարի 11-ի հայտարարությունների բոլոր դրույթների հետագա, հետևողական իրականացման և անվերապահ պահպանման հանձնառությունը՝ ի շահ Հարավային Կովկասի կայունության, անվտանգության և տնտեսական զարգացման։ Պայմանավորվեցինք ակտիվացնել համատեղ ջանքերը՝ ուղղված 2020թ. նոյեմբերի 9-ի և 2021թ. հունվարի 11-ի հայտարարություններից բխող մնացած խնդիրների շուտափույթ լուծմանը։

Նշեցինք Ռուսական խաղաղապահ առաքելության կարևոր ներդրումը տարածաշրջանում իրավիճակի կայունացման և անվտանգության ապահովման գործում։

Պայմանավորվեցինք ադրբեջանա-հայկական սահմանին կայունության և անվտանգության մակարդակը բարձրացնելուն ուղղված քայլեր ձեռնարկել և գործընթացը մղել Հայաստանի Հանրապետության և Ադրբեջանի Հանրապետության միջև պետական սահմանի դելիմիտացիայի և այդուհետ դեմարկացիայի հարցերով երկկողմ՝ կողմերի հայտի հիման Ռուսաստանի Դաշնության խորհրդատվական մասնակցությամբ հանձնաժողովի ստեղծման ուղղությամբ։

Բարձր գնահատեցինք 2021թ. հունվարի 11-ի հայտարարության համաձայն ստեղծված՝ Ադրբեջանի Հանրապետության, Հայաստանի Հանրապետության և Ռուսաստանի Դաշնության փոխվարչապետերի համատեղ նախագահությամբ գործող տարածաշրջանի բոլոր տնտեսական և տրանսպորտային կապերի ապաշրջափակման հարցերով եռակողմ աշխատանքային խմբի գործունեությունը։ Ընդգծեցինք տարածաշրջանի տնտեսական ներուժը բացահայտելու համար կոնկրետ ծրագրերի հնարավորինս արագ մեկնարկի անհրաժեշտությունը։

Ռուսաստանի Դաշնությունն այսուհետ ևս կշարունակի ցուցաբերել անհրաժեշտ աջակցություն` Ադրբեջանի Հանրապետության և Հայաստանի Հանրապետության միջև հարաբերությունների կարգավորման, ադրբեջանցի և հայ ժողովուրդների միջև վստահության մթնոլորտի ձևավորման, ինչպես նաև տարածաշրջանում բարիդրացիական հարաբերությունների ստեղծման նպատակով»:

Կարդալ ավելին

Քաղաքականություն

Ավարտվել է Պուտին-Ալիև-Փաշինյան հանդիպումը

302

By

Ավարտվել են Պուտինի, Ալիևի և Փաշինյանի եռակողմ բանակցությունները։ Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը, փոխանցում է ՌԻԱ Նովոստի։

Հանդիպումը տևել է մոտ 3 ժամ։«Պուտինը, Ալիևն ու Փաշինյանը մամուլի համար հայտարարություն են արել, այն շուտով հասանելի կլինի լրագրողների համար»,- հայտնել Է Պեսկովը։

Եռակողմ հանդիպումից հետո տեղի է ունենում Պուտին-Փաշինյան առանձնազրույցը։

Կարդալ ավելին

Քաղաքականություն

Ղարաբաղում ապագա խաղաղ կյանքի համար պայմաններ են ստեղծվում. Վլադիմիր Պուտին

254

By

Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի հետ հանդիպման ժամանակ Ռուսաստանի Դաշնության նախագահ Վլադիմիր Պուտինն ամենամեծ ձեռքբերումներից մեկն է համարում այն, որ տարածաշրջանում լայնածավալ ռազմական գործողություններ տեղի չեն ունենում:

«Այս ընթացքում, իսկապես, քիչ բան չի արվել: Ցավոք, դեռևս ոչ բոլոր հարցերն են լուծված: Գիտեմ նաև սահմանին տեղի ունեցած միջադեպերի մասին, ողբերգական միջադեպերի, երբ երկու կողմից մարդիկ են զոհվում, վիրավորում են ստանում: Այդ ամենը մեր կողմից հատուկ ուշադրության պետք է արժանանա: Ըստ էության, հենց դրա համար էլ մենք այսօր հավաքվել ենք, որպեսզի խուսափենք նմանատիպ միջադեպերից ապագայում: Բայց ընդհանուր առմամբ, այդուհանդերձ, մեկ տարվա ընթացքում քիչ բան չի արվել: Առաջին հերթին՝ լայնածավալ ռազմական գործողություններ տեղի չեն ունենում, ինչն ինքնին արդեն լավ է: Այս ընթացքում մեր աջակցությամբ համատեղ աշխատանք է իրականացվել փախստականներին վերադարձնելու նպատակով, 53 հազար փախստական արդեն վերադարձել են իրենց մշտական բնակության վայրերը: Ստեղծված է լավ մշտադիտարկող խումբ, աշխատում է խաղաղապահ զորամիավորումը և որքան ես եմ հասկանում, երկու կողմերի գնահատմամբ, արժանապատվորեն է աշխատում՝ ապահովելով մարդկանց համար կյանքի անվտանգ պայմանները: Աշխատում է նաև ռուս-թուրքական դիտարկման կենտրոնը: Բայց ամենակարևորը այն է, որ պայմաններ են ստեղծվում ապագա խաղաղ կյանքի համար: Ահա, թե ինչն է կարևոր»,- «Արմենպրես»-ի հաղորդմամբ` ընդգծել է Պուտինը:

ՌԴ նախագահը հիշեցրել է, որ Հայաստանի, Ադրբեջանի և Ռուսաստանի փոխվարչապետերի համանախագահությամբ գործում է եռակողմ աշխատանքային խումբ, որը զբաղվում է տարածաշրջանում տնտեսական և տրանսպորտային կապերի ապաշրջափակման հարցերով:

Կարդալ ավելին

Քաղաքականություն

Հայաստանի և Ադրբեջանի ղեկավարների հետ հանդիպումից հետո ՌԴ նախագահն անվտանգության խորհրդի նիստ կանցկացնի

446

By

Ռուսաստանի Դաշնության նախագահ Վլադիմիր Պուտինը նոյեմբերի 26-ին ՌԴ Անվտանգության խորհրդի մշտական անդամների հետ օպերատիվ խորհրդակցություն կանցկացնի: Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ն, այդ մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:

«Արդեն երեկոյան՝ Հայաստանի և Ադրբեջանի ղեկավարների հետ երկխոսության ավարտից հետո, ՌԴ նախագահ Պուտինը անվտանգության խորհրդի մշտական անդամների հետ խորհրդակցություն անցկացնելու մտադրություն ունի»,- ասել է Պեսկովը:

Կարդալ ավելին

Facebook

Ամենադիտվածներ