Միացեք մեզ

Մշակույթ

Շրջանավարտ երգիչները համերգով կնշանավորեն Երևանի կոնսերվատորիայի հիմնադրման 100-ամյակը

144
Հետևե՛ք մեզ Telegram-ում

«Սիրեցէք զիրար, շատ սիրեցեք, որպեսզի ապրէք»․ կոմիտասյան այս հանրահայտ խոսքը հունիսի 22-ին «Առնո Բաբաջանյան» համերգասրահում կայանալիք համերգի խորագիրն է։

Համերգը նվիրված է Երևանի Կոմիտասի անվան պետական կոնսերվատորիայի հիմնադրման 100-ամյա հոբելյանին:

Այս տարի իր գոյության մեկդարյա պատմությունը նշող և երաժիշտների ու երաժշտագետների մի քանի սերնդի համար մայր բուհ հանդիսացող Հայաստանի երաժշտակրթական ամենամեծ հաստատության հոբելյանն այս համերգով կնշանավորեն կոնսերվատորիայի ակադեմիական երգեցողության ամբիոնի շրջանավարտները:

«Բոլոր մագիստրներն են, որոնք այս տարի արդեն պետական քննությունը երգեցին և ավարտեցին։ Այն ուժեղ կազմն է մեր մագիստրները, որոնք վաղը կամ մյուս օրը զարդարելու են ոչ միայն մեր օպերային թատրոնի բեմը, այլ նաև եվրոպական շատ ուշատ օպերային թատրոնների բեմեր։ Քանի որ ավարտում էին այս տարի և հնարավոր էր, որ ամեն մեկը մի տեղ կգա որևէ կոնտրակներով և այլն, և հնարավորություն չլիներ համախմբել էս երեխաներին, որպեսզի նրանք մի համերգի մեջ ելույթ ունենան, մենք որոշեցինք տարվա վերջում անպայման էսպիսի հրաշալի համերգ կազմակերպել։ Շատ շնորհակալ ենք Առնո Բաբաջանյանի անվան ֆիլհարմոնիկ փոքր սրահին, որ իրենց սրահը մեզ տրամադրեց և բոլոր պայմաններին մեր համաձայնեց, որպեսզի մենք կարողանանք այս համերգը շատ պատվով և գեղեցիկ ձևով անցկացնենք», — «Ազատության» հետ զրույցում ասաց կոնսերվատորիայի ակադեմիական երգեցողության ամբիոնի վարիչ Գայանե Գեղամյանը։

Նա հավելեց, որ համերգին մասնակցելու են 25 հոգի․ — «Ամեն մեկը կերգի մեկ ստեղծագործություն, մի ծավալուն արիա։ Իսկ վերջում, մեր ամբիոնը ունի անսամբլի բաժին, որը ղեկավարում է պրոֆեսոր Ալլա Գալստյանը, նա նույնպես երկու համարով հանդես կգան, կհանի իր ուսանողներին։ Այդքանով համերգը կեզրափակվի»։

«Մենք գիտենք, որ հայերս բոլորս երգել սիրում ենք և ձայներ էլ ունենք», — շարունակեց Գեղամյանը։ — «Կասեմ, որ վերադառնում են էն լավ տարիները, որ բավական խստացել են հիմա մեզ մոտ քննությունները, ընդունելությունը այդքան հեշտ չի։ Եվ իրոք արժանավորները սկսում են վերադառնալ կոնսերվատորիա, սովորել կոնսերվատորիայում, ունենք շատ ուշատ շատ լավ երեխաներ, շատ լավ ապագա։ Դասատուի համար սա ամենամեծ հույսն ու ապավենն է։ Երբ որ տեսնում ես, որ լավ, տաղանդավոր կադր ունես, արդեն քո աշխատանքը քեզ երջանկություն է թվում, որովհետև դու գիտես ինչ ներդրում ես անում, ում վրա և ինչի համար։ Եվ ապագայում ինչ է լինելու այդ երիտասարդի հետ։ Դրա համար, կարծում եմ, կադրեր մենք ունենք, շատ լավն են, լավ երիտասարդություն են, նրանք շատ ավելի զարգացած են և՛ տեխնիկական առումով, և՛ մնացած առումներով, և իրենք շատ հեշտությամբ, եվրոպական երկրների հետ կապվելով, կարողանում են իրենց ճանապարհը գտնել և ռեալիզացնել իրենց այն ամբողջ պոտենցիալը, որ ունեն»։

Կարդալ ավելին
Գրել Մեկնաբանություն

Թողնել մեկնաբանություն

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հասարակություն

Թբիլիսիի Ազատության հրապարակում կազմակերպվել էր Հայոց ցեղասպանության մասին ցուցահանդես

218

By

Նոյեմբերի 13-ին Թբիլիսիի Ազատության հրապարակում «Րաֆֆի» ուսանողական միության կողմից կազմակերպվել էր նկարների ցուցահանդես՝ «1915-2021 թվականների Հայոց մշակութային ցեղասպանություն» խորագրով։

Այս մասին հայտնում են Վրաստանում ՀՀ դեսպանությունից՝ նշելով, որ ցուցահանդեսին ներկայացված էին Հայոց ցեղասպանության տարիներին, ինչպես նաև Ադրբեջանի կողմից Նախիջևանում և Արցախում վանդալիզմի ենթարկված հայկական մշակութային կոթողների նկարներ։

Կարդալ ավելին

Մշակույթ

Թշնամին ավերել է Մադաթաշենի դպրոցը, մշակույթի տունը, հուշարձանը, վնասել Սբ․ Աստվածածին եկեղեցին

398

By

Թշնամին ավերել է Մադաթաշեն գյուղի դպրոցը, մշակույթի տունը, հուշարձանն ու վնասել Սբ․ Աստվածածին եկեղեցին ։Արցախի մշակութային ժառանգության մշտադիտարկում իրականացնող monumentwatch.org կայքը գրում է.

 
«Ըստ  2021 թվականի հոկտեմբերի 10-ի  արբանյակային լուսանկարների՝ թշնամին քանդել է Ասկերանի շրջանի Մադաթաշեն գյուղի դպրոցը  և հասել դպրոցին կից եկեղեցու պատին, որը, փաստորեն վտանգի տակ է։  Դպրոցը 2015 թվականից վերանվանվել էր «Մադաթաշեն» դպրոց ՊՈԱԿ, որի շենքում  էին  տեղակայված նաև  գյուղի գյուղապետարանն ու մշակույթի տունը։
 
Եկեղեցու կողքին կար Արցախյան ազատամարտի զոհերին նվիրված հուշարձան, որը թշնամին նույնպես ոչնչացրել է գյուղի օկուպացիայից անմիջապես հետո։ Ադրբեջանական կողմի տարածած տեսանյութում ակնհայտ երևում է, թե ինչպես է զինված ադրբեջանցի զինվորականը ջարդում, քանդում և ավերում արցախյան ազատամարտի հերոսների հուշարձանը, կոտրում նրանց նկարներն ու հրճվանքով լուսանկարվում ավերված մշակութային ժառանգության ֆոնին։  Հավելենք, որ մինչ ադրբեջանական օկուպացիան արված տեսանյութը փաստում է, որ կանգուն  էին դպրոցն ու նրան կից հուշարձանը։
 
Մադաթաշեն գյուղի պատմությունը սկսվում  է 17-րդ դարի կեսերից, իսկ անունը ստացել է ռուսական բանակի գեներալ Վալերիան Մադաթովի անունից, ում անասնագոմերը հենց այս տարածքում էին գտնվում։ Գյուղական համայնքը տեղաբաշխված է Արցախի Հանրապետության հարավային հատվածում։ Ասկերան շրջկենտրոնից գտնվում է 50 կմ հեռավորության վրա, իսկ մայրաքաղաք Ստեփանակերտից՝ 24 կմ հեռավորութան վրա։ Գյուղի  Սբ. Աստվածածին եկեղեցի  կառուցվել է 1904 թվականին։ Եկեղեցու պատը վնասված էր, տանիքը՝ նույնպես։
 
Մադաթաշենի դպրոցը, մշակույթի տունն ու եկեղեցին ադրբեջանական նոր ճանապարհաշինության ուղղության մեջ չեն մտնում և չի բացառվում, որ մշակութային արժեքների ավերման հետևանքով ստացված շինաքարերը ճանապարհների հենապատերի համար են օգտագործվում»։
 
Արցախի մշակութային ժառանգության մշտադիտարկում իրականացնող monumentwatch.org-ի  արձագանքը՝ սկզբնաղբյուր կայքում։

https://lurer.com/?p=439975&l=am

Կարդալ ավելին

Մշակույթ

Ամարասի վանական համալիրի վրայից իջեցվել է Արցախի դրոշը

392

By

Կարդալ ավելին

Մշակույթ

Վանդալիզմի հերթական դեպքն է արձանագրվել Ողջաբերդում․ֆոտո

318

By

Վանդալիզմի հերթական դեպքն է արձանագրվել Ողջաբերդում՝ Չարենցի Կամար հուշարձանի վրա անհայտ անձանց կողմից արվել են գրություններ։

Հարգելի հայրենակիցներ նմանատիպ գործողությունները խստիվ արգելվում են,պատմական ժառանգության պահպանումը բոլորիս պարտքն է։

Կարդալ ավելին

Մշակույթ

Դուբայում կհնչի Արամ Խաչատրյանի «Ջութակի կոնցերտը»

592

By

Դուբայում անցկացվող InClassica դասական երաժշտության 10-րդ միջազգային փառատոնի շրջանակում Դուբայի Օպերայում սեպտեմբերի 5-ին կհնչի նաեւ Արամ Խաչատրյանի «Ջութակի կոնցերտը»: Այն կկատարեն Հայաստանի պետական սիմֆոնիկ նվագախումբը՝ գլխավոր դիրիժոր Սերգեյ Սմբատյանի ղեկավարությամբ, և աշխարհահռչակ հայ ջութակահար Սերգեյ Խաչատրյանը:

«Սա մեծ երևույթ է մեր նվագախմբի համար պանդեմիայից հետո այսպիսի մեծ ծրագրով հանդես գալու համար։

Հունիսին նվագախումբը հասցրել էր հանդես գալ Դուբայում և ուրախ ենք, որ արդեն Դուբայի օպերայում ներկայցնել նվագախմբի համար այս կարևոր ծրագիրը։

Մեր տեղկություններով Արամ Խաչատրյանի Ջութակի կոնցերտն առաջին անգամ է հնչելու Դուբայի օպերայում և ԱՄԷ-ում։

Նվագախումբը սպասված հյուր է այստեղ և ուրախ եմ, որ համերգներն անցնում են լեցուն դահլիճներում, թեև կան սահմանափակումներ»,- NEWS.am-ի հետ զրույցում նշեց Հայաստանի պետական սիմֆոնիկ նվագախմբի տնօրեն Սարգիս Բալբաբյանը:

Սա InClassica փառատոնին Հայաստանի պետական սիմֆոնիկ նվագախմբի առաջին մասնակցությունը չէ: 2018 թ. նվագախումբը մասնակցել է Մալթայի միջազգային երաժշտական փառատոնին և դաշնակահարների մրցույթին։ Այս տարի նույնպես «Classic Piano» երիտասարդ դաշնակահարների միջազգային երկրորդ մրցույթի 3-րդ և 4-րդ փուլերի մասնակիցները հանդես են գալիս Հայաստանի պետական սիմֆոնիկ նվագախմբի հետ։

«Կարելի է ասել, որ սա երկրորդ համագործակցությունն է, երբ հանդես ենք գալիս մրցույթում որպես պաշտոնական նվագախումբ, իսկ եվրոպական հիմնադրամը նվագախմբի կարևոր գործընկերներից  ու աջակիցներից է»,- նշեց Բալբաբյանը:

«Այստեղ կարևորում եմ համագործակցությունը ամենատարբեր կատորողական դպրոցին պատկանող դաշնակահարների հետ: Ուրախ ենք, որ նվագախմբի ռեզիդենտ կոմպոզիտոր Ալեքսեյ Շորը հանդիսանում է նաև Ինկլասիկայի ռեզիդենտ կոմպոզիտոր։

Ուրախ ենք այս համագործակցության համար, ուրախ ենք, որ այստեղ ենք և կարող ենք ներկայացնել հայ կատարողական արվեստը: Այս փառատոնն իսկապես աննախադեպ երևույթ է ամբողջ աշխարհում  տեղի ունեցող զարգացումների ֆոնին և իսկապես սա մեծ հնարավորություն է աշխարհահռչակ արտիստների, ինչպես նաև մեր նվագախմբի համար մաս կազմելու այս մեծ երաժշտական իրադարձությանը և յուրաքանչյուր օր ունկնդիրը հնարավորություն ունի վայելել աշխարհի լավագույն մենակատարներին՝ ներկայացնելով ռուս և եվրոպացի կոմպոզիտորներին հայտնի ստեղծագործությունները։ Մեր նվագախմբի համար շատ կարևոր է հանդես գալ հենց հայ կոմպաոզիտորների հանրահռչակմամբ»,- ասաց Բալբաբյանը՝ նշելով, որ նվագախումբն առաջին անգամ չէ համերգներով հանդես գալիս ԱՄԷ-ում:

Սիմֆոնիկ նվագախումբը պանդեմիայից հետո արդեն պլանավորում է նոր համերգաշրջան: Կանցկացվի տարեկան 45 համերգ Հայաստանում, 15` արտերկրում, որոնք արդեն պլանավորման փուլում են։

«Ցավոք պանդեմիայի պատճառով կան հյուրախաղեր, որոնք հետաձգվել են: Հույս ունեմ, որ մոտ ապագայում Լոնդոնում, Օմանում, Մալթայում, Ավստրիայում տեղի կունենան։ Նվագախումբը այսօր էլ Հայաստանում  շարունակում է համերգները և կարող ենք ասել, որ ունենք այնքան համերգներ, որքան պանդեմիայից առաջ»,- ասաց նա:

Սարգիս Բալբաբյանի խոսքով՝ փառատոնին մասնակցող աշխարհի լավագույն արտիսների զգալի մասն արդեն եղել են Հայաստանում և ելույթ են ունեցել մեր Սիմֆոնիկ նվագախմբի հետ:

«Այստեղ հանդես եկող արտիսներից ոմանց հետ ունենք պայմանավորվածություն, որ 2021-22 թթ. համերգաշրջանում համագործակցելու են նվագախմբի հետ։ Մասնավորապես, հանդես են գալու Մաքսիմ Վենգերովը, Ռոմանովսկին և այլն, որոնք հանդիսանում են աշխարհի լավագույն երաժիշտներ»,- ասաց նա:

Հիշեցնենք, որ օգոստոսի 28-ին Դուբայում մեկնարկել է InClassica դասական երաժշտության 10-րդ միջազգային փառատոնը: Մինչեւ սեպտեմբերի 26-ը փառատոնի շրջանակներում Դուբայում տեղի կունենա 30 համերգ, որոնց ընթացքում ելույթ կունենան 37 առաջատար երաժիշտներ, 7 հայտնի նվագախմբեր եւ 12 անվանի դիրիժորներ։ Փառատոնային համերգները կանցկացվեն Dubai Opera-ում եւ Մերձավոր Արեւելքում ամենամեծ բազմաֆունկցիոնալ համալիրում՝ Coca-Cola Arena-ում։

Չորս շաբաթների ընթացքում բեմ կբարձրանա յոթ սիմֆոնիկ նվագախումբ՝ Երուսաղեմի սիմֆոնիկ նվագախումբը, Ռուսաստանի ազգային նվագախումբը, Մալթայի ֆիլհարմոնիկ նվագախումբը, Սլովակիայի ֆիլհարմոնիկ նվագախումբը, Հայաստանի պետական սիմֆոնիկ նվագախումբը, Կալինինգրադի սիմֆոնիկ նվագախումբը, Գերմանիայի Ռեյնլանդ-Պֆալցի պետական ֆիլհարմոնիկ նվագախումբը։

Փառատոնի շրջանակներում ներգրավված են նաեւ մեծանուն դիրիժորներ՝ Դմիտրի Յաբլոնսկին, Ալեքսանդր Սլադկովսկին, Մայքլ Ֆրանսիսը, Սերգեյ Սմբատյանը, Մարիուս Ստրավինսկին եւ այլք։ Փառատոնի ծրագրում ընդգրկված են մեծ թվով ստեղծագործություններ՝ սկսած բարոկկո երաժշտությունից մինչեւ ժամանակակից հեղինակների գործեր, այդ թվում փառատոնի ռեզիդենտ կոմպոզիտոր Ալեքսեյ Շորի ստեղծագործությունները։

InClassica փառատոնի կազմակերպիչն է Մշակույթի աջակցման եվրոպական հիմնադրամը։ Այն անցկացվում է SAMIT Event Group-ի հետ համատեղ։

https://news.am/arm/news/661154.html

Կարդալ ավելին

Facebook

Ամենադիտվածներ