Միացեք մեզ

Բլոգ

Նորաբակի ու Սոթքի բնակիչները պատմել են ադրբեջանական ագրեսիայի մասին

72
Հետևե՛ք մեզ Telegram-ում

Նախօրեին ադրբեջանական ագրեսիայի հետևանքները ծանր էին։ Հայկական կողմն ունի երեք զոհ, երկու վիրավոր։ Գեղարքունիքի մարզի Նորաբակի վարչական շրջանի ղեկավար Վազգեն Ասատրյանը «Փաստինֆո»-ին տեղեկացրել է, որ գյուղում ադրբեջանական ԶՈւ-ի կողմից արձակած կրակոցները լսվել են, այդուհանդերձ, բնակիչների շրջանում խուճապ չկար։ Դիրքերը գյուղից հեռու չեն, սակայն գյուղի ուղղությամբ սադրանքներ չեն եղել։ Կեսգիշերից հետո թշնամին չի կրակել։ 

«Գիշերը կրակոցներ չեն եղել։ Կրակոցներն սկսվել են ժամը 16.30-17։00-ի սահմաններում, մինչև 18։00-ն, որից հետո երկու անգամ խոշոր տրամաչափի զինատեսակներից կրակոցներ եղան ու կանգնեց։ Գյուղից նրանք օդային սահմանով հեռու են 1,5 կմ, մեքենայի ճանապարհով՝ 2 կմ-ի չափով»։

Կրակոցները եղել են դիրքերում։ Ասատրյանի խոսքով՝ թշնամուն հավատալ պետք չէ։ Նման մասշտաբի կրակոցներ գյուղի հատվածում չէին եղել։

«Ադրբեջանցիներին ո՞վ է հավատում, որ հիմա հավատաս։ Խփելով գնում են։ Վերջին շրջանում մեր հատվածում նման մասշտաբի կրակոցներ չեն եղել, առաջին անգամ է էսպես»,- ասել է համայնքի ղեկավարը։

Նրա փոխանցմամբ՝ դիրքերի հայ ծառայողները թույլ չեն տվել բնակիչներին իրենց մոտենալ։ Ինքն անձամբ է դիմել զինվորականներին, եթե կարիք լինի, բնակիչներն օգնության հասնեն, սակայն հայտնել են, որ անհրաժեշտություն չկա։ Շտապօգնության մեքենաներ էլ գյուղում չեն նկատել։

«Մեր գյուղի մոտով երկու ճանապարհ է գնում, մեկը՝ հակառակ մասով ու չի երեւում, մյուսը գյուղի միջով է, երևի շտապօգնությունը Զոդի մոտով է անցել, մենք չենք տեսել, բայց ավտոն վերև է բարձրացել»,- ասել է Վ.Ասատրյանը՝ նկատելով, որ զոհված զինծառայողներից ոչ ոք Նորաբակի բնակիչ չէ։

Սոթք բնակավայրի բնակիչ Սևակ Խաչատրյանն էլ «Փաստինֆո»-ի հետ զրույցում տեղեկացրել է ՝ թշնամու կողմից կիրառվող հրետանու ձայնը իրենց գյուղից էլ էին լսում։

«Հրետանային միջոցներ կիրառվել են, ձայները լսելի էին։ ԱԹՍ-ներ չենք տեսել, բայց ձայները լսել ենք 14.00-ի սահմաններից մինչև երեկոյան 22.00-ն։ Կրակոցները Վերին Շորժայի հատվածից մինչև Նորաբակ ու Կութի հատվածում եղել են, բայց ոչ այնքան ինտենսիվ, որքան Վերին Շորժայում ու Նորաբակի հատվածներում»։

Խաչատրյանը նշեց, որ բնակիչները նման դեպքերում իրենց տներում են սպասում, ու գործողությունների չեն դիմում, պարզապես անհանգիստ սպասում են։ Կրակոցներ այսօր Սոթի հատվածից չեն լսել։

Հիշեցնենք, որ նախօրեին՝ ժամը 15։15-ի սահմաններում Ադրբեջանի ԶՈՒ ստորաբաժանումները կրակ էին բացել Գեղարքունիքի մարզի Վերին Շորժայի հատվածում տեղակայված հայկական մարտական դիրքերի ուղղությամբ, ինչի հետևանքով մեկ զինծառայող ստացել է միջին ծանրության հրազենային վիրավորում։ Ժամը 17։30-ի սահմաններում ադրբեջանական ԶՈՒ ստորաբաժանումները վերսկսել էին կրակը հայ-ադրբեջանական սահմանի արևելյան ուղղությամբ տեղակայված հայկական դիրքերի ուղղությամբ, օգտագործելով նաև հրետանային միջոցներ և անօդաչու թռչող սարքեր։ Ադրբեջանական ստորաբաժանումների իրականացրած սադրանքի հետևանքով զոհվել են ՀՀ ՊՆ N զորամասի զինծառայողներ, շարքային Արթուր Արտյոմի Մխիթարյանը (ծնվ. 2002թ.) և կրտսեր սերժանտ Ռուդիկ Ռաֆիկի Ղարիբյանը (ծնվ. 2002թ.)։ Հայկական կողմն ունի նաեւ երկու վիրավոր, որոնց կյանքին վտանգ չի սպառնում։ Կեսգիշերին հայտնաբերվել է ՀՀ ԶՈւ զինծառայող` շարքային Վահան Վաչագանի Բաբայանի (ծնվ. 2003թ.) մարմինը` մահացու հրազենային վիրավորումով:

Կարդալ ավելին
Գրել Մեկնաբանություն

Թողնել մեկնաբանություն

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Բլոգ

Նիկոլին պաշտպանող մտավորականներ, ձեր գլուխները խուզելու են ու քաղաքով ման տան․ Արմեն Գրիգորյան

30

By

Կարդալ ավելին

Բլոգ

Ահա, թե Քոչարյան Անդոյի շեֆը ինչ կարծիք է ունեցել Վազգենի բանակի մասին

32

By

Քոչարյան Անդոն ասում է, թե իրենք ուզում են Վազգենի թողած բանակը հետ բերեն: Ահա, թե Քոչարյան Անդոյի շեֆը ինչ կարծիք է ունեցել Վազգենի բանակի մասին: Նիկոլական մարդու Վազգենական լինելը ամենահակասական բանն է:

Բորիս Մուրազիի ֆեյսբուքյան էջից

Կարդալ ավելին

Բլոգ

Պատերազմ չի լինի, եթե… Լավրով

60

By

Ռուսաստանը պատերազմ չի ուզում, բայց նաև թույլ չի տա ոտնահարել իր անվտանգության շահերը: Այդ մասին ռուսական ռադիոկայաններին տված օնլայն հարցազրույցի ընթացքում ասել է Ռուսաստանի արտաքին գործերի նախարար Սերգեյ Լավրովը:

«Եթե դա կախված է Ռուսաստանի Դաշնությունից, ապա պատերազմ չի լինի: Զելենսկին և նրա ռեժիմը հիմնականում օգտագործվում են ամերիկացիների կողմից լարվածությունը սրելու և Եվրոպայում իրենց կազակներին ներգրավելու համար, որոնք ամեն կերպ «խաղում են» իրենց հետ ռուսաֆոբ ձեռնարկումներում։ Եվ Վաշինգտոնի գլխավոր նպատակն այս դեպքում ընդհանրապես Ուկրաինայի ճակատագիրը չէ։ Նրանց համար կարևոր է, որ լարվածությունը սրվի Ռուսաստանի Դաշնության շուրջ, փակեն այս թեման և հետո զբաղվեն Չինաստանի հետ», – հայտարարել է Ռուսաստանի արտգործնախարարը:

Կարդալ ավելին

Բլոգ

Երբ հրաժարական կտա Լուկաշենկոն

26

By

Բելառուսում նախագահական ընտրությունները կարող են չեղարկվել միայն պատերազմի դեպքում։ Մնացած դեպքերում դրանք կանցկացվեն օրենքով սահմանված ժամկետում։ Այս մասին ասել է Բելառուսի նախագահ Ալեքսանդր Լուկաշենկոն:

«Եթե նրանք (արեւմտյան երկրները) մեզ պատերազմ պարտադրեն, ի՞նչ ընտրությունների մասին է խոսքը։ Ո՞ւր պետք է գնամ։ Ես ավտոմատ կվերցնեմ եւ անհրաժեշտության դեպքում առջեւից կգնամ»,- ասել է Լուկաշենկոն։

Կարդալ ավելին

Բլոգ

Շատ վատ է, բանակի օրը պետք է տոնվեր, հրապարակում էլ պետք է «սալյուտ » խփվեր բանակի առթիվ.Մովսես Հակոբյան

24

By

Այսօր՝ հունվարի 28 -ին, Հայոց բանակի կազմավորման 30-րդ տարեդարձն է, որը պետական մակարդակով չկարեւորվեց, զինվորական միջոցառումներ չիրականացվեցին. Պարզվեց թե վարչապետը, թե պաշտպանության նախարարը, թե ԳՇ պետն ու բարձրաստիճան բազմաթիվ այլ զինվորականներ վարակվել են կորոնավիրուսով։

Օրվա առթիվ «Փաստինֆո»-ն զրուցել է ԶՈւ գլխավոր շտաբի նախկին պետ Մովսես Հակոբյանի հետ:

Պարո՛ն Հակոբյան, մեր բանակն այսօր նշում է կազմավորման 30-րդ տարին: Ի՞նչ կասեք այս առիթով.

-Շնորհավորում եմ բանակում ծառայող զինծառայողներին, պահեստազորներին, մեր զոհված ընկերներին, իրենց ընտանիքներին՝ բանակի օրվա կապակցությամբ:

-Պատերազմից հետո ի՞նչ իրավիճակ է բանակում, ինչպե՞ս եք գնահատում այսօր մեր բանակի մարտունակությունը.

-Տեղեկություն չունեմ, չեմ տիրապետում, ես զորացրված եմ, դրա գնահատականը կարող է տալ երկրի ղեկավարությունը:

Բանակը վերազինելու ուղղությամբ քայլեր տեսնո՞ւմ եք այսօր, բավարար համարո՞ւմ եք դրանք.

-Եվ՛ դրական երևույթներ եմ նկատում, և՛ բացասական, չեմ տիրապետում իրավիճակին,եզրակացություն չեմ կարող անել:

Հայոց բանակի օրը նախորդ տարիներին մշտապես նշվել է մեծ տոնակատարություններով, սակայն այսօր բանակի օրը նշվեց առանց որևէ միջոցառման, միայն բարձրաստիճան պաշտոնյաները, պատգամավորները, նախարարները այցելեցին Եռաբլուր, սրան ինչպե՞ս եք վերաբերվում.

-Շատ վատ է, բանակի օրը պետք է տոնվեր, հրապարակում էլ պետք է «սալյուտ » խփվեր բանակի առթիվ, անցած տարի էլ պետք է տոնվեր:

Կարդալ ավելին

Facebook

Ամենադիտվածներ