Միացեք մեզ

Մշակույթ

Հուլիսի 6-ին սկսվելու է Կաննի կինոփառատոնը

262
Հետևե՛ք մեզ Telegram-ում

Երեքշաբթի օրը Կաննում տեղի կունենա հեղինակավոր կինոփառատոնի բացումը:

Կինոաշխարհն անհամբերությամբ է սպասում այդ օրվան, քանի որ այն կնշանակի երկու տարի տևած կորոնավիրուսային տառապանքներից հետո վերադարձ բնականոն կյանքին, առնվազն՝ վերադարձի մեկնարկ:

Ֆրանսիայում կորոնավիրուսի համավարակի կապակցությամբ սահմանված արգելքների մեծ մասը հունիսին չեղարկվել է:

Կաննի կինոփառատոնը տեղի կունենա հուլիսի 6-ից 17-ը: Այդ օրերին, իհարկե, գործելու են որոշակի պահանջներ, այցելուները և մասնակիցները պարտավորվելու են խստորեն հետևել սոցիալական հեռավորության կանոնին:

«Այս տարին շատ հուզիչ է, բոլորը հարցնում էին՝ կլինի՞ փառատոնը, տեղի կունենա՞: Եվ ահա, վերջապես ասում ենք, որ այո, տեղի կունենա, սա հրաշալի է», — հայտարարել է բրիտանացի կինոռեժիսոր Ջոել Մոլենը:

Իշխանություններն, իհարկե, կիրառում են որոշակի խիստ պահանջները: Կաննում փառատոնի անցկացման շրջանի հարևանությամբ մասնակիցների և հյուրերի համար կգործի կորոնավիրուսի դեմ պատվաստումների և ստուգումների տաղավար:

Մասնակիցները պետք է փակ սրահներում դիմակներ կրեն, թեպետ Ֆրանսիայի տարածքում դա այլևս պարտադիր չէ:

«Հրաշալի է, երբ մտածում ես, որ այս ամենը նորից սկսվում է, մենք գրեթե վերադարձել ենք նորմալ կյանքին, և թեպետ սա բարդ տարի էր՝ միևնույն է երջանիկ ենք, որ նորից Կաննում ենք», — ասել է անկախ կինոթատրոնի սեփականատեր Կլաուդին Կորնիլան:

Կաննի այս տարվա փառատոնը նախատեսված էր մայիսին, բայց հետաձգվել է կորոնավիրուսի համավարակի կապակցությամբ:

Այս տարի փառատոնին ներկա կլինեն կինոաշխարհի հազարավոր պատվիրակներ, ռեժիսորներ, պրոդյուսերներ, դերասաններ, լրագրողներ:

«Գուցե այս մի փառատոնը կլինի ոչ այնքան պրոֆեսիոնալների, որքան պարզ մարդկանց համար: Ահավասիկ, թող այդպես լինի, դա էլ լավ է, մի քիչ կուրախանան», — ասել է Կաննում դեկորացիաներ տեղադրող թիմի բեմի բանվոր Մարկը:

Կինոքննադատների կարծիքով, այս տարի «Ոսկե արմավենու» համար պայքարողների թվում են աշխարհահռչակ ամերիկացի կինոաստղեր՝ դերասան, ռեժիսոր, սցենարիստ և պրոդյուսեր Շոն Փենը և ռեժիսոր Վես Անդերսոնը:

Կարդալ ավելին
Գրել Մեկնաբանություն

Թողնել մեկնաբանություն

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հասարակություն

«Կտրում էին սպանված մարդկանց մարմնի մասերն ու դա անում էին բաց դեմքերով». Իտալիայի Rai 1 ՀԸ-ն ֆիլմը` պատերազմի մասին

862

By

Իտալիայի Rai 1 հեռուստաընկերության բարձր պրոֆեսիոնալ հայտնի լրագրող Ստեֆանիա Բատիստինին (Stefania Battistini) ծավալուն ֆիլմ է պատրաստել, և հեռուստաընկերությունը ցուցադրել է ֆիլմը, որ վերաբերում է անցյալ տարվա արցախյան պատերազմին, պատճառներին ու հետևանքներին:  Այս մասին իր ֆեյսբուքյան էջում գրել է ՀՀ ՄԻՊ Արման Թաթոյանը:

«Ադրբեջանական զինծառայողները կատարել են վայրագություններ՝ հայերի գլխատման դեպքեր, կտրում էին սպանված մարդկանց մարմնի մասերն ու դա անում էին բաց դեմքերով՝ վստահ լինելով, որ չեն պատժվելու: Այնուհետև, նրանք այդ մասին տեսանյութերը կամ լուսանկարները տարածում էին սոցիալական ցանցերում՝ հակական միջավայրում տարածելով բռնության տեսարաններ, իսկ իրենց մոտ արժանանում խրախուսանքի: 

Պատերազմի ժամանակ Արցախի ու Հայաստանի դեմ օգտագործվել են ջիհադիստներ ու ահաբեկիչներ, կիրառվել են քիմիական էլեմենտներ պարունակող (ենթադրաբար՝ սպիտակ ֆոսֆոր պարունակող) զենքեր: 

Պատերազմական այս հանցանքները, դաժանությունները ծնելու են նոր՝ ավելի ծանր հանցանքներ դրանք կազմակերպողների ու կատարողների անպատժելիության դեպքում: 

Ինքս ֆիլմում խոսել եմ նաև պատերազմի ժամանակ մարդու իրավունքների խախտումների մասին, ցույց եմ տվել պատերազմական հանցանքների ապացույցները: Խոսել եմ նաև միջազգային կառույցների խիստ անհամաչափ արձագանքի մասին, ինչպես նաև այն մասին, որ այս ամենը հանգեցրել է էթնիկ զտումների Արցախում, ցեղասպան քաղաքականության հետևանք է:
Մեկ ժամանոց տեսաֆիլմի մի հատվածը ներկայացնում ենք թարգմանությամբ»,- գրել է նա:

Կարդալ ավելին

Հասարակություն

Թբիլիսիի Ազատության հրապարակում կազմակերպվել էր Հայոց ցեղասպանության մասին ցուցահանդես

444

By

Նոյեմբերի 13-ին Թբիլիսիի Ազատության հրապարակում «Րաֆֆի» ուսանողական միության կողմից կազմակերպվել էր նկարների ցուցահանդես՝ «1915-2021 թվականների Հայոց մշակութային ցեղասպանություն» խորագրով։

Այս մասին հայտնում են Վրաստանում ՀՀ դեսպանությունից՝ նշելով, որ ցուցահանդեսին ներկայացված էին Հայոց ցեղասպանության տարիներին, ինչպես նաև Ադրբեջանի կողմից Նախիջևանում և Արցախում վանդալիզմի ենթարկված հայկական մշակութային կոթողների նկարներ։

Կարդալ ավելին

Մշակույթ

Թշնամին ավերել է Մադաթաշենի դպրոցը, մշակույթի տունը, հուշարձանը, վնասել Սբ․ Աստվածածին եկեղեցին

626

By

Թշնամին ավերել է Մադաթաշեն գյուղի դպրոցը, մշակույթի տունը, հուշարձանն ու վնասել Սբ․ Աստվածածին եկեղեցին ։Արցախի մշակութային ժառանգության մշտադիտարկում իրականացնող monumentwatch.org կայքը գրում է.

 
«Ըստ  2021 թվականի հոկտեմբերի 10-ի  արբանյակային լուսանկարների՝ թշնամին քանդել է Ասկերանի շրջանի Մադաթաշեն գյուղի դպրոցը  և հասել դպրոցին կից եկեղեցու պատին, որը, փաստորեն վտանգի տակ է։  Դպրոցը 2015 թվականից վերանվանվել էր «Մադաթաշեն» դպրոց ՊՈԱԿ, որի շենքում  էին  տեղակայված նաև  գյուղի գյուղապետարանն ու մշակույթի տունը։
 
Եկեղեցու կողքին կար Արցախյան ազատամարտի զոհերին նվիրված հուշարձան, որը թշնամին նույնպես ոչնչացրել է գյուղի օկուպացիայից անմիջապես հետո։ Ադրբեջանական կողմի տարածած տեսանյութում ակնհայտ երևում է, թե ինչպես է զինված ադրբեջանցի զինվորականը ջարդում, քանդում և ավերում արցախյան ազատամարտի հերոսների հուշարձանը, կոտրում նրանց նկարներն ու հրճվանքով լուսանկարվում ավերված մշակութային ժառանգության ֆոնին։  Հավելենք, որ մինչ ադրբեջանական օկուպացիան արված տեսանյութը փաստում է, որ կանգուն  էին դպրոցն ու նրան կից հուշարձանը։
 
Մադաթաշեն գյուղի պատմությունը սկսվում  է 17-րդ դարի կեսերից, իսկ անունը ստացել է ռուսական բանակի գեներալ Վալերիան Մադաթովի անունից, ում անասնագոմերը հենց այս տարածքում էին գտնվում։ Գյուղական համայնքը տեղաբաշխված է Արցախի Հանրապետության հարավային հատվածում։ Ասկերան շրջկենտրոնից գտնվում է 50 կմ հեռավորության վրա, իսկ մայրաքաղաք Ստեփանակերտից՝ 24 կմ հեռավորութան վրա։ Գյուղի  Սբ. Աստվածածին եկեղեցի  կառուցվել է 1904 թվականին։ Եկեղեցու պատը վնասված էր, տանիքը՝ նույնպես։
 
Մադաթաշենի դպրոցը, մշակույթի տունն ու եկեղեցին ադրբեջանական նոր ճանապարհաշինության ուղղության մեջ չեն մտնում և չի բացառվում, որ մշակութային արժեքների ավերման հետևանքով ստացված շինաքարերը ճանապարհների հենապատերի համար են օգտագործվում»։
 
Արցախի մշակութային ժառանգության մշտադիտարկում իրականացնող monumentwatch.org-ի  արձագանքը՝ սկզբնաղբյուր կայքում։ 

https://lurer.com/?p=439975&l=am

Կարդալ ավելին

Մշակույթ

Ամարասի վանական համալիրի վրայից իջեցվել է Արցախի դրոշը

686

By

Կարդալ ավելին

Մշակույթ

Վանդալիզմի հերթական դեպքն է արձանագրվել Ողջաբերդում․ֆոտո

576

By

Վանդալիզմի հերթական դեպքն է արձանագրվել Ողջաբերդում՝ Չարենցի Կամար հուշարձանի վրա անհայտ անձանց կողմից արվել են գրություններ։

Հարգելի հայրենակիցներ նմանատիպ գործողությունները խստիվ արգելվում են,պատմական ժառանգության պահպանումը բոլորիս պարտքն է։

Կարդալ ավելին

Facebook

Ամենադիտվածներ