Միացեք մեզ

Տնտեսություն

Հայաստանը նոր ատոմակայան ունենալու մտադրություն ունի․ Գնել Սանոսյան

622
Հետևե՛ք մեզ Telegram-ում

Նոյեմբերի 16-ին լրագրողների՝ Հայկական ատոմակայան շրջայցի ժամանակ նախարարը հայտարարեց, որ Հայաստանի էներգետիկ համակարգում ատոմային էներգետիկայի դերը շատ մեծ է․ «Մենք շարունակելու ենք մեծ տեղ տալ դրա զարգացմանը։ Մեր միտքը հետևյալն է՝ Հայաստանում ոչ մի օր չպետք է դադարեցվի ատոմային էներգիայի արտադրությունը»։ 

Լրագրողների շրջայցը կազմակերպվել էր ՀԱԷԿ-ի 2-րդ էներգաբլոկի արդիականացման ու շահագործման ժամկետը մինչև 2026-ը երկարաձգելու առիթով: Կայանի արդիականացումը սկսվել է 2015-ին։ Այդ ժամանակահատվածում իրականացվել են կայանի անվտանգության բարձրացման, սարքավորումների ստուգման ու փոխարինման աշխատանքներ, ինչի արդյունքում էներգաբլոկի հզորությունը աճել է 15 տոկոսով՝ միջուկային վառելիքի նույն ծախսով։ Նախատեսվում է ատոմակայանի աշխատելու ժամկետը երկարացնել մինչև 2036-ը։ 

«Բոլոր նախապայմանները կան դրա համար, այսինքն՝ բոլոր աշխատանքներն արված են այս փուլում, և իհարկե հաջորդ տարիներին նույնպես նախանշված որոշակի աշխատանքներ կան, որոնք ընստ գրաֆիկի կիրականացնենք»,- նշեց Գնել Սանոսյանը։

Սանոսյանի խոսքով՝ մտադիր են այնպես անել, որ գործող կայանի շահագործման ժամկետների ավարտին լինի նոր էներգաբլոկ և այն անմիջապես միացնել ցանցին։ Նա կարծում է՝ նոր էներգաբլոկի կառուցման աշխատանքները կսկսվեն 2026-2027-ին։

Նոր էներգաբլոկի հզորությունը դեռ հայտնի չէ, սակայն նախարարի խոսքով՝ այն առնվազն կունենա այն հզորությունը, որն ունի գործող կայանը՝ մոտ 400-450 մվտ։ Գնել Սանոսյանը նշեց նաև, որ նոր էներգաբլոկի կառուցման ծրագրում գլխավոր գործընկերը «Ռոսատոմ»-ն է։

«Մենք «Ռոսատոմ»-ի գործընկներների հետ շարունակում ենք մտածել, քննարկել, նույնիսկ առաջիկայում որոշակի փաստաթղթեր նախապատրաստել հետագա համագործակցության և նոր էներգաբլոկի կառուցման շուրջ»,- ասաց նախարարը։

Կարդալ ավելին
Գրել Մեկնաբանություն

Թողնել մեկնաբանություն

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Տնտեսություն

Հայաստանցիները կկորցնեն մոտ 400 մլն դոլար

220

By

2018, 2019, 2020 2021 թվականներին Ռուսաստանից ուղարկված ֆիզիկական անձանց կողմից դեպի Հայաստան կատարած փոխանցումների միջին տարեկան չափը կազմել է 850 մլն դոլար։ Ուկրաինական պատերազմի հետևանքով Ռուսաստանից Հայաստան եկող դրամական փոխանցումները կարող են 50 տոկոսով նվազել։ Ստեղծված նոր իրավիճակում հայկական բիզնեսից որոշակի ժամանակ կպահանջվի վերադասավորվելու և ի հայտ եկած խնդիրներին դիմագրավելու համար։ Հանրային հեռուստաընկերության «Հարցազրույց Պետրոս Ղազարյանի հետ» հաղորդաշարի ժամանակ այս մասին ասել է ՀՀ ֆինանսների նախարար Տիգրան Խաչատրյանը՝ պատասխանելով այսօր Հայաստանի ֆինանսական կայունության վերաբերյալ հարցին։
«Մեր ֆինանսական կայունության գնահատականը բազմաթիվ հարցերից է կախված և վերջին շրջանում, ինչպես տարածաշրջանում առհասարակ, Հայաստանում առկա են ռիսկեր, որոնք պայմանավորված են մեր հարևանների, բարեկամների մոտ ընթացող տնտեսական զարգացումներով»,– ասել է նախարարը։
Հայաստանի տնտեսական կապերը Ռուսասատանի հետ շատ սերտ և բազմաբնույթ են, ինչպես ներմուծման, այնպես էլ արտահանման առումով։
2021-ին Հայաստանից-Ռուսասատան արտահանման ծավալը կազմել է 800 մլն դոլարը։ Ուկրաինական պատերազմի սկսվելուց հետո, այս կարճ ժամանակահատվածում հայաստանյան բազմաթիվ արտահանողներ ունեցել են կորուստներ, հաշվի առնելով ռուսական ռուբլու արժեզրկումը։
Տուժել են հատկապես այն տնտեսվարողները, որոնք դոլարային դեբիտորական պարտքեր են ունեցել։ Այսինքն՝ այս մարդիկ ապրանքները նախապես առաքած են եղել, սակայն վճարումները դեռ ստացած չեն եղել, և փոխարժեքի անկման հետևանքով ունեցել ֆինանսական կորուստներ։
Հայաստանում այս պահին դեպի Ռուսասատան ներկրումների իրականացման համար կան նաև լոգիստիկ լուրջ խնդիրներ։
Նախարարը, սակայն հուսադրող է համարել այն հանգամանքը, որ հայկական ընկերություններին ռուսական շուկայից հեռացող ընկերությունների տեղը գրավելու շանս է տրվել։ << ՌԴ–ից շատ ընկերություններ հեռանում են և շուկայում առաջացած այդ բացը կարող են լրացնել հայկական ընկերությունները>>,- ասել է Տիգրան Խաչատրյանը։ Բայց սա, իրականության հետ աղերս չունեցող հույս է, որովհետև հայաստանյան ընկերությունները փոքր են հիմնականում չունեն արտադրողականության այնպիսի ծավալներ, որոպեսզի կարողանան ապահովել ռուսական շուկայի պահանջարկը։ Առավել ևս անհնար է, որ գոնե այս տարվա կտրվածքով բիզնեսի վերադասավորումների շնորհիվ հնարավոր լինի լրացնել Ռուսաստանից ավանդաբար ակնկալվող տրանսֆերնի բացակայությունը։ Այսինքն միջինը 400 մլն դոլար գումար չի մտնելու մեր տնեսության մեջ, ինչն առաջին հերթին վնասելու է այն քաղաքացիներին, ովքեր այդ գումարով սոցալական առաջնային խնդիրներ էին լուծում։
Հայկ Դավթյան

Կարդալ ավելին

Տնտեսություն

Կենտրոնական բանկը որոշել է չբացել մի շարք աճուրդներ Մոսկվայի բորսայում

306

By

Ռուսաստանի Բանկը որոշել է այսօր չբացել բաժնետոմսերի եւ ժամկետային շուկայի բաժինները Մոսկվայի բորսայում, ինչպես նաեւ՝ ստանդարտացված ածանցյալ ֆինանսական գործիքների շուկայի բաժինը (ԱՖԳՇ), իսկ վաղվա աշխատանքային ժամերը կհայտարարվեն Կենտրոնական բանկի կայքում մարտի 1-ին՝ մինչեւ Մոսկվայի ժամանակով ժամը 09:00-ն, հաղորդվում է կարգավորիչի կայքում:

«Ստեղծված իրավիճակի կապակցությամբ Ռուսաստանի բանկը որոշում է կայացրել այսօր Մոսկվայի բորսայում չբացել ֆոնդային շուկայի բաժինը, ժամկետային շուկայի բաժինը եւ ԱՖԳՇ բաժինը: 2022 թվականի մարտի 1-ին Մոսկվայի բորսայի աշխատանքի ռեժիմը կհայտարարվի Ռուսաստանի Բանկի պաշտոնական կայքում մինչեւ 2022 թվականի մարտի 1-ը Մոսկվայի ժամանակով ժամը 09:00-ն»,- ասվում է հաղորդագրության մեջ:

Կարդալ ավելին

Տնտեսություն

Սամվել Կարապետյանի «Տաշիր» հոլդինգը գնել է GNC Alfa ընկերությունը (Ռոստելեկոմ)

904

By

Հանրային ծառայությունները կարգավորող հանձնաժողովն իր այսօրվա՝ հունվարի 19-ի նիստում հաստատել է Սամվել Կարապետյանի «Տաշիր» հոլդինգի կողմից Հայաստանի խոշորագույն օպերատորներից մեկը՝ «GNC Alfa»-ը գնելու գործարքը:

Գնորդը Տաշիր ընկերությանը պատկանող Հայաստանի էլեկտրական ցանցեր ընկերությունն է եւ ՌԴ քաղաքացի Արման Ունանյանը, հաղորդում է «Սպուտնիկ Արմենիան»:

ՀԾԿՀ հեռահաղորդակցության վարչության ռեսուրսների կառավարման բաժնի պետ Արմեն Հունանյանը լրագրողների հետ զրույցում ասաց, որ առաջիկա հինգ տարիների ընթացքում ընկերությունը մտադիր է 2,5 մլրդ դրամ (մոտ 5 մլն դոլար) ներդնել հեռահաղորդակցության ցանցի զարգացման համար, նաև տարեկան 1,5-ից մինչև 1,8 մլրդ դրամ (3-3,5 մլն դոլար)՝ «GNC Alfa»-ի գործող ենթակառուցվածքի վերազինման համար։

Կարդալ ավելին

Տնտեսություն

Բացահայտվել է քողարկված ֆինանսական բուրգի որոշակի մասի գործունեությունը Հայաստանում

354

By

Օրերս ՀՀ քննչական կոմիտեն հայտարարություն էր տեղադրել «Onyxum» անվանմամբ ընկերության վերաբերյալ՝ նշելով, որ ընկերության գործունեությունը պարունակում է ֆինանսական բուրգի հատկանիշներ, որպիսի հանցավոր արարքի համար, քրեական գործով ձեռք բերված բավարար ապացույցների համակցությամբ, մեղադրանքներ են առաջադրվել «Onyxum» անվան ներքո գործող ֆինանսական բուրգի մասը ստեղծող և համակարգող 11 անդամների։

Նշված հրապարակման կապակցությամբ «Onyxum»  անվամբ ընկերության անունից տարբեր լրատվամիջոցներով կատարված հրապարակումների կապակցությամբ հայտնում ենք, որ ՀՀ քննչական կոմիտեն, գործի շահերից ելնելով, ներկայումս ձեռնպահ է մնում այլ տեղեկատվության տրամադրումից և հրապարակային բանավեճից՝ նշելով, որ քրեական վարույթի շրջանակներում կատարված գործողությունները, դրանց առնչությամբ անհամաձայնության դեպքում, ենթակա են բողոքարկման միայն քրեադատավարական ընթացակարգերով:

Քրեական գործի հետագա ընթացքի վերաբերյալ Կոմիտեն հանդես կգա պաշտոնեական հրապարակմամբ:

Կարդալ ավելին

Տնտեսություն

Հայտնի է, թե որքան կարող է թանկանալ գազը

408

By

Հայաստանում սպառողներին մատակարարվող գազի սակագինը ապրիլի 1-ից կարող է բարձրանալ 6 տոկոսով։ Տեղեկությունը հայտնում է ՀՀ Հանրային ծառայությունները կարգավորող հանձնաժողովը (ՀԾԿՀ)։

Ըստ հաղորդագրության` հունվարի 13-ին «Գազպրոմ Արմենիա» ՓԲԸ-ն գազի սակագների վերանայման հայտ է ներկայացրել հանձնաժողով։ Ընկերությունն առաջարկել է ՀՀ բոլոր սպառողների համար սահմանել միասնական սակագին` 282.6 ԱՄՆ դոլար 1000 խմ–ի դիմաց` 266.71 ԱՄՆ դոլարի փոխարեն, կամ 1 խմ–ի դիմաց 135.6 դրամ` ներկայիս 1 խմ–ի դիմաց 128 դրամ գործող միջինացված սակագնի փոխարեն։

«Ընկերության առաջարկությամբ միջին կշռված սակագնի աճը գործողի նկատմամբ հաշվարկվել է 6%, որը ենթակա է ճշգրտման բնական գազի փաստացի ջերմատվությունից կախված»,– նշում է ՀԾԿՀ–ն։

Կարդալ ավելին

Facebook

Հասարակություն1 ամիս առաջ

Տեսանյութ․ Երկու տղամարդ խոսում են 12-ամյա երեխայի բռնաբարելու մասին

Քաղաքականություն1 ամիս առաջ

Տեսանյութ. Փաշինյանը 2,6 միլիարդ կստանա, եթե ռուսական ռազմաբազան հանի Հայաստանից․ գլխավոր նպատակը հայտնի է

Քաղաքականություն1 ամիս առաջ

Տեսանյութ. Ցեղասպանության թանգարանից կարևոր փաստաթղթեր են կորել․ այդ քրեկան գործով անցել են Արարատ Միրզոյանը

Քաղաքականություն2 ամիս առաջ

Տեսանյութ․ Փաշինյանն ու իր տասնյակ թիմակիցներ եղել են ԱԱԾ գործակալներ․ Համբարձումյանն ու Վանեցյանը պետք է խոսեն

Քաղաքականություն2 ամիս առաջ

Տեսանյութ․ Լավրովը Միրզոյանին ասեց, որ իրենց հետաքրքիր չէ, թե Բրյուսելում ինչ են պայմանավորվել․ Մոսկվան կոշտ է արձագանքում

Քաղաքականություն2 ամիս առաջ

Տեսանյութ․ Էդմոն Մարուքյանը համարու՞մ է, որ ինքը «թուրքից չի տարբերվում»

Բլոգ2 ամիս առաջ

Ո՞ր պետություններն են անհետանալու քարտեզի վրայից 2022թ․

Ամենադիտվածներ