Միացեք մեզ

Իրավունք

Բարձրաստիճան սպաները զորամասի վրանները հափշտակել են ապա նույն վրանները վաճառել ՊՆ-ին. ՔԿ

458
Հետևե՛ք մեզ Telegram-ում

Քննչական կոմիտեն հայտնում է, որ կալանավորվել են Հայաստանի պաշտպանության նախարարության և զինված ուժերի բարձրաստիճան սպաներ՝ զորամասի վրանները հափշտակելու, ապա նույն վրանները նախարարությանը վաճառելու համար։

Պարզվել է, որ զորամասերից մեկի թիկունքի պետ, գնդապետը, նույն զորամասի իրային ծառայության պետի հետ համաձայնությամբ հափշտակել է զորամասի հաշվեկշռում գտնվող զինվորական նշանակության 6 հատ չօգտագործված վրանները։

«6 վրանները հաշվառել են իբրև 2020-ի սեպտեմբերի 27-ից մինչև նոյեմբերի 9-ը տեղի ունեցած մարտական գործողությունների արդյունքում անվերադարձ կորսված և այդ եղանակով հափշտակել են ընդհանուր 6,7 մլն դրամ արժողությամբ վերոնշյալ վրանները»,- ասված է հաղորդագրությունում։

Այնուհետև, թիկունքի պետը և իրային ծառայության պետը համաձայնություն են ձեռք բերել հափշտակված վրանները պաշտպանության նախարարությանը վաճառելու վերաբերյալ։

«Հանցավոր մտադրությունն ավարտին հասցնելու նպատակով զորամասի թիկունքի պետը նախնական համաձայնություն է ձեռք բերել զինված ուժերի գլխավոր շտաբի թիկունքի վարչության իրային ծառայության պետ, գնդապետի հետ՝ հափշտակված գույքը նախարարությանը մատակարարելու վերաբերյալ»,- հայտնում է կոմիտեն։

Գործարքը կատարելու նպատակով զորամասի թիկունքը պետն օգոստոսի 10-ին այցելել է ՊՆ վարչական համալիր, որտեղ հանդիպել են զինված ուժերի թիկունքի վարչության իրային ծառայության պետին:

«Զինված ուժերի թիկունքի վարչության իրային ծառայության պետը, խմբային շահերից ելնելով չարաշահել է իր պաշտոնեական դիրքը։ Նա օգտագործելով ՊՆ կարիքների համար վրանների ձեռքբերման անհրաժեշտությունը և տեղյակ լինելով զորամասի թիկունքի պետի մոտ առկա վրանների՝ նախարարությունից հափշտակված լինելու հանգամանքի մասին, նախաձեռնել է նշված թվով 6 վրանները ՊՆ-ի կողմից ձեռքբերելու գործընթաց, որի արդյունքում մինչև համապատասխան գնման պայմանագրի կնքելը, հափշտակված վրանները մատակարարվել են ՊՆ կենտրոնական իրային բազա, որից հետո, օգոստոսի 20-ին նոր միայն կնքվել է վրանների գնման վերաբերյալ պայմանագիր և կատարվել է վճարում»,- նշված է հաղորդագրության մեջ։

Քննչական կոմիտեն տեղեկացնում է, որ զորամասի իրային ծառայության պետը, նույն զորամասի թիկունքի պետը և զինված ուժերի թիկունքի վարչության իրային ծառայության պետը ձերբակալվել են։ Վերջին երկուսի նկատմամբ որպես խափանման միջոց կիրառվել է կալանավորումը։

Կարդալ ավելին
Գրել Մեկնաբանություն

Թողնել մեկնաբանություն

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Իրավունք

Լրատվամիջոցները չեն ազատվի պատասխանատվությունից ֆեյքերին հղում անելու դեպքում․ ՔՊ-ն՝ որոշման մասին

252

By

Խորհրդարանը երկրորդ ընթերցմամբ և ամբողջությամբ ընդունել է Զանգվածային լրատվության մասին օրենքում, Քաղաքացիական և Վարչական իրավախախտումների վերաբերյալ օրենսգրքերում լրացումներ և փոփոխություններ կատարելու մասին նախագծերի փաթեթը։ Այս մասին ասվում է ՔՊ խմբակցության ֆեյսբուքյան էջում արված հրապարակման մեջ։ Ըստ առաջարկվող նախագծի` լրատվամիջոցները չեն ազատվի պատասխանատվությունից ֆեյքերին հղում անելու դեպքում։ ԶԼ մասին օրենքով սահմանվում է «չնույնականացվող աղբյուր» հասկացությունը, լրատվական գործունեություն իրականացնողը չի ազատվում տեղեկատվության տարածման համար պատասխանատվությունից, եթե այն չնույնականացվող աղբյուրի տարածած տեղեկատվության վերարտադրությունն է՝ անկախ այդ չնույնականացվող աղբյուրին հղում կատարելու հանգամանքից, սահմանվում է նույնականացման տվյալների ցանկ, որոնք պարտադիր են լրատվական գործունեություն իրականացնողների համար (չներկայացնելու դեպքում՝ վարչական տույժ), վերախմբագրվել է ֆինանսական թափանցիկության մասին հաշվետվության հոդվածը՝ հստակեցնելով ֆինանսավորման աղբյուրները և հաշվետվության ձևը (չներկայացնելու դեպքում՝ վարչական տույժ), նույնականացման տվյալների բացակայության և հաշվետվության հրապարակման պահանջի չկատարման դեպքում լրագրողի հավատարմագրումը պետական մարմիններում ենթակա է մերժման։ Օրենքն ուժի մեջ կմտնի 2022 թվականի հունվարի 1-ից։ Չնույնականացվող աղբյուրների սահմանումը նորություն է ոչ միայն ներհայաստանյան օրենսդրության մեջ, այլեւ միջազգային պրակտիկայում, ինչը կօգնի ապօրինի տեղեկատվության դեմ պայքարի գործում։

Կարդալ ավելին

Իրավունք

Ոստիկանները հայտնաբերել են սպանության մեղադրանքով հետախուզվողին, որը պատերազմին իբր անհետ կորել էր

322

By

Քրեական ոստիկանության հետախուզման, անօրինական միգրացիայի և ահաբեկչության դեմ պայքարի վարչության ծառայողները, ամիսներ տևած օպերատիվ-հետախուզական տարաբնույթ միջոցառումների արդյունքում, դեկտեմբերի 24-ին տեղեկություն ստացան առանձնապես ծանր հանցագործության կատարման մեղադրանքով հետախուզվողի թաքնվելու վայրի վերաբերյալ։

Հավաստի տվյալների արագ իրացման շնորհիվ՝ հիշյալ վարչության ծառայողները Երևանի Կոմիտասի պողոտայում հայտնաբերեցին ու ՔՈԳՎ բերման ենթարկեցին Գյումրիում հաշվառված 24-ամյա երիտասարդին, որը 2020 թվականի սեպտեմբերից ոստիկանության Գյումրի քաղաքի Մուշի բաժնի կողմից հետախուզվում էր սպանության մեղադրանքով, խափանման միջոցը՝ կալանք։

Նրա հայրը 44-օրյա պատերազմի ընթացքում դիմել էր համապատասխան մարմիններ ու հայտնել, որ իրենց որդին գնացել է Արցախ՝ մարտական գործողություններին մասնակցելու և անհետ կորել։

Երիտասարդի տվյալները հաշվառվել էին անհետ կորածների ցուցակում, սակայն ոստիկանության ծառայողների հետևողական միջոցառումների շնորհիվ փաստվեց, որ ոչ միայն նրա ծնողը իրականությանը չհամապատասխանող տեղեկություններ էին հայտնել համապատասխան մարմիններին, այլև սպանության մեղադրանքով հետախուզվողը բերվեց քրեական պատասխանատվության դաշտ։

Նախաքննությունը շարունակվում է

Կարդալ ավելին

Իրավունք

Վիճաբանություն և կրակոցներ Բերքանուշ գյուղում

222

By

Դեկտեմբերի 24-ին ոստիկանության Արտաշատի բաժնի ՔՀԲ-ում օպերատիվ տեղեկություններ էին ստացվել, որ դեկտեմբերի 21-ին Բերքանուշ գյուղի Շահումյան փողոցում նույն գյուղի 26 և 38 տարեկան երկու բնակիչ վիճել են, ձեռքերով և ոտքերով հարվածներ հասցրել իրար` պատճառելով մարմնական վնասվածքներ, ինչից հետո նրանցից մեկը մեքենայից հանել է որսորդական հրացանը և կրակոցներ արձակել

Արտաշատի բաժնի քրեական հետախույզների ձեռնարկած միջոցառումների և բացատրական աշխատանքի արդյունքում համագյուղացիները ներկայացել են բաժին և տվել խոստովանական բացատրություն, իսկ 26-ամյա երիտասարդը ներկայացրել է իր անվամբ հաշվառված ողորկափող որսորդական հրացանը:

Հանգամանքները պարզվում են:
Նախապատրաստվում են նյութեր:

Կարդալ ավելին

Իրավունք

Դանակի սպառնալիքով օտարերկրացի տղամարդու պայուսակը հափշտակած տղամարդիկ ձերբակալվել են

184

By

Դեկտեմբերի լույս 21-ի գիշերը օպերատիվ կառավարման կենտրոնից ոստիկանության Կենտրոնական բաժին փոխանցվել է ավազակության մասին հաղորդում:

Օտարերկրացի տղամարդը հայտնել է, որ իրեն մոտեցել են անծանոթ անձինք ու դանակով սպառնալով՝ հափշտակել պայուսակը, որի մեջ հագուստ, բջջային հեռախոս ու դրամապանակ կար։ Դեպքը Փարպեցու փողոցում է եղել։

Մեկնած քրեական հետախույզները տարածքում օպերատիվ հարցումներ են իրականացրել։ Բացահայտման աշխատանքներին միացել են Երևան քաղաքի վարչության քրեական հետախուզության բաժնի ծառայողները։ Օպերատիվ հարցումներից բացի, համատեղ իրականացվել են նաև այլ հետախուզական միջոցառումներ, որոնք դեպքից ժամեր անց արդյունք են տվել: Պարզվել է ավազակություն արած անձանց ինքնությունն ու բնակության հասցեները։ Երևանի բնակիչ՝ 37 և 35 տարեկան երկու տղամարդկանց հայտնաբերելու միջոցառումներն արդյունք են տվել դեկտեմբերի 22-ին։ Կասկածվողները լուսադեմին հայտնաբերվել են ու բերման ենթարկվել ոստիկանության Կենտրոնական բաժին։

Նրանք ոստիկանությունից ներկայացվել են տարածքային քննչական մարմնին, որտեղ դեպքի առթիվ քրեական գործ է հարուցվել։ Բերման ենթարկված անձինք ձերբակալվել են։ Հանգամանքները նախաքննությամբ պարզվում են։

Կարդալ ավելին

Իրավունք

Աղմկահարույց սպանությունից հետո պարուսույց Լարիսա Հակոբյանն առաջին անգամ «խոսել է». նոր մանրամասներ

340

By

Պարուսույց Լարիսա Հակոբյանն իր տանը տեղի ունեցած աղմկահարույց սպանությունից հետո առաջին անգամ ինստագրամյան էջի սթորի բաժնում եղբոր հետ լուսանկար է հրապարակել՝ գրելով. «Աստծուն խնդրում եմ՝ արդարություն լինի»,- գրել է նա:

Պարզելու համար, թե ի՞նչ փուլում է գտնվում սպանության հիմքով հարուցված քրեական գործը կապ հաստատեցինք Քննչական կոմիտեի մամուլի քարտուղար Վարդան Թադևոսյանի հետ։ ԼՈՒՐԵՐ․com-ի հետ զրույցում վերջինս նշեց, որ գործը նախաքննական փուլում է․ «Լարիսա Հակոբյանի նկատմամբ քրեական գործ չկա։ Կալանավորված է նրա եղբայրը՝ Մոնթեն, մայրը ստորագրություն է տվել՝ երկրից չհեռանալու մասին»,- նշեց նա։ 

Հիշեցնենք՝ նոյեմբերի լույս 8-ի գիշերը ոստիկանության Մալաթիայի բաժին հաղորդում էր ստացվել, որ Հաղթանակ թաղամասի Նորիկի փողոցի տներից մեկում սպանություն է տեղի ունեցել։ Իրավապահները հայտնաբերել էին 36-ամյա Արսեն Սիմոնյանի դին՝ մարմնի տարբեր մասերում կտրած-ծակած վնասվածքներով։

Նշենք, որ տեղի ունեցած սպանության գործով կար 3 կալանավորված անձ․ ըստ համացանցում տարածված տեղեկությունների՝ նրանք էին՝ 27-ամյա պրոֆեսիոնալ պարուհի և պարուսույց, «Larisa dance» ստուդիայի հիմնադիր-ղեկավար Լարիսա Հակոբյանը (սպանված Արսեն Սիմոնյանի սիրելի էր), նրա  եղբայրը՝ Մոնթեն ու մայրը։ 

Կարդալ ավելին

Facebook

Ամենադիտվածներ