Միացեք մեզ

Քաղաքականություն

Այս գիշեր ժամը 12-ից 1-ի սահմաններում ադրբեջանական զինված ուժերը կրակոցներ են արձակել Արավուս գյուղի ուղղությամբ. ՄԻՊ

510
Հետևե՛ք մեզ Telegram-ում

Այսօր վաղ առավոտյան ՀՀ մարդու իրավունքների պաշտպանին ներկայացվել են ահազանգեր այն մասին, որ այս գիշեր ժամը 12-ից 1-ի սահմաններում ադրբեջանական զինված ուժերը կրակոցներ են արձակել Սյունիքի մարզի Արավուս գյուղի ուղղությամբ: Այս մասին իր ֆեյսբուքյան էջում հայտնել է ՀՀ ՄԻՊ Արման Թաթոյանը: 

«Այս տեղեկությունները Մարդու իրավունքների պաշտպանին հաստատել են գյուղի բնակիչները և պնդել, որ նշանառու կրակոցներ են արձակվել նաև ՀՀ զինված ուժերի դիրքերի վրա: 
Խոսքն Արավուս գյուղի այն հատվածի մասին է, որտեղ ադրբեջանական զինված ուժերը տեղակայված են քաղաքացիական տներից մի քանի հարյուր մետր հեռու: 
Նրանց անմիջապես դիմաց են տեղակայված ՀՀ զինված ուժերը, որոնք կատարում են բնակիչների կյանքն ու անվտանգությունը պաշտպանելու գործառույթ:
Ըստ Մարդու իրավունքների պաշտպանի աշխատակազմի հավաքագրած փաստերի` ադրբեջանական կրակոցները դադարել են Տեղի համայնքային մարմինների, ՀՀ 1-ին բանակային կորպուսի և ՌԴ սահմանապահ ծառայության հրամանատարության ժամանումից հետո:
Արավուս գյուղի ուղղությամբ ադրբեջանական այս գիշերվա կրակոցները հանցավոր են, խաթարում են մարդկանց բնականոն, խաղաղ կյանքն ու անվտանգությունը: 
Այս փաստերն ապացուցում են, որ ադրբեջանական զինված ուժերի ներկայությունն ինքնին ՀՀ գյուղերի անմիջական հարևանությամբ և համայնքների միջև ճանապարհներին մարդկանց կյանքի իրավունքի է խախտում է: Նրանք խախտում են նաև մարդկանց սեփականության, ազատ տեղաշարժի և մյուս կենսական իրավունքները:
Ակնհայտ է, որ մարդկանց իրավունքները հնարավոր կլինի ապահովել միայն անվտանգության գոտու պայմաններում»,- գրել  է նա:

Քաղաքականություն

Ղազախստանի իրավապահների կողմից հետախուզվողը հայտնաբերվել է Բագրատաշենի սահմանային անցակետում

56

By

Ոստիկանության Բագրատաշենի բաժանմունքի ծառայողները հունվարի 20-ին Բագրատաշենի սահմանային վերահսկողության բաժնից բերման են ենթարկել 24-ամյա Ասլանբեկ Տ.-ին, որը 2020 թ. մարտի 12-ից Ղազախստանի Հանրապետության իրավապահների կողմից հետախուզվում էր խուլիգանության մեղադրանքով:
Հայտնաբերման մասին տեղյակ է պահվել հետախուզումը նախաձեռնողին:
Խափանման միջոցը՝ ստորագրություն:

Կարդալ ավելին

Քաղաքականություն

Ճոխ շոու՝ յուրաքանչյուրին 3000 դոլար հոնորարով. Սուրեն Պապիկյանը պատրաստվում է ճոխ հարսանիքի

42

By

Հունվարի 22-ին «Փարավոն» ռեստորանային համալիրում տեղի է ունենալու ՀՀ պաշտպանության նախարար Սուրեն Պապիկյանի հարսանիքը։

Ըստ լուրերի՝ հարսնացուն Արմինե Մուրադյանն է, ով Պապիկյանի՝ Տարածքային կառավարման և ենթակառուցվածքների նախարար եղած ժամանակ նրա մամուլի քարտուղարն էր: Հետաքրքիրն այն է, որ հարսանիքի շոուի մասն ապահովելու համար հրավիրվել են բազմափիվ հայտնիներ, որոնց նվազագույն հոնորարը կազմում է 3000 դոլար։ Շատ հետաքրքիր է, թե Սուրեն Պապիկյանը ինչ միջոցներով է իրեն նման ճոխություն թույլ տալիս։

 www.1or.am

Կարդալ ավելին

Քաղաքականություն

ՌԴ ԱԳՆ-ն հորդորել է հնարավորինս արագ սկսել հայ-ադրբեջանական սահմանի սահմանազատման աշխատանքները

54

By

Մոսկվան կոչ է անում որքան հնարավոր է շուտ սկսել Հայաստանի և Ադրբեջանի միջև սահմանի սահմանազատման աշխատանքները, այս մասին ասվում է ԶԼՄ-ների հարցերին ՌԴ ԱԳՆ-ի պատասխաններում։

«Մենք հետևողական ջանքեր ենք գործադրում Ադրբեջանի և Հայաստանի սահմանին տիրող իրավիճակը կարգավորելու համար, որտեղ, ցավոք, ժամանակ առ ժամանակ տեղի են ունենում զենքի կիրառման միջադեպեր, լինում են մարդկային զոհեր։ Անհրաժեշտ է շուտափույթ ձևավորել և սկսել ադրբեջանա-հայկական սահմանի սահմանազատման երկկողմ հանձնաժողովի աշխատանքը։ Մենք պատրաստ ենք խորհրդատվական օգնություն ցուցաբերել Բաքվին և Երևանին այս գործընթացում», — ընդգծել են նախարարությունից։

Դիվանագիտական ​​առաքելությունը հավելել է, որ Ռուսաստանը նույնպես ակտիվորեն ներգրավված է գերիների վերադարձի գործում։

«Հիշեցնենք, որ 2020 թվականի դեկտեմբերի 2-ից ռուս խաղաղապահների միջնորդությամբ ընդհանուր առմամբ վերադարձվել է 146 պահվող անձ՝ 127-ը հայկական կողմին, 19-ը՝ ադրբեջանական», — ասվում է ՌԴ ԱԳՆ պատասխաններում։

Կարդալ ավելին

Քաղաքականություն

Հադրութի եւ Շուշի վերադարձը տեսականորեն հնարավոր է․ Սեյրան Օհանյան

56

By

Այսօր ոչ ոք չի կարող ասել, թե ինչ քարտեզներով է իրականացվելու սահմանագծումն ու ահմանազատումը. Դրա համար պետք է ստեղծվի համապատասխան խառը հանձնաժողովներ, որոնք ամբողջությամբ վեր կհանեն ԽՍՀՄ ժամանակահատվածում գույություն ունեցող իրավապայմանագրային ամբողջ դաշտը, փաթեթը եւ այն բոլոր գործողությունները, որոնք տեղի են ունեցել երկու հարեւան հանրապետությունների միջեւ: Այս մասին, այսօր՝ հունվարի 21-ին, ԱԺ-ում լրագրողների հետ զրույցում ասաց «Հայաստան» խմբակցության ղեկավար Սեյրան Օհանյանը։

«Միայն լիարժեք, խորաթափանց  քննարկումից հետո կարելի է  որոշել, թե որտեղ ինչպես պետք է անցի սահմանը, իսկ այս պարագայում  հայելային հետքաշում ասածն ինձ համար մերկապարանոց, անիմաստ խոսակցություններ են»,-ասաց նա:

Սեյրան Օհանյանը կարծիք հայտնեց, որ Ադրբեջանը երբեք չի համաձայնվի հայելային հետքաշմանը, քանի որ  Ադրբեջանն ու Թուրքիան հանցագործներ են, նրանք հանցագործություն են իրականացրել Հայաստանի ու Արցախի հանդեպ. «Պետք է խաղաղության գնալ, բայց չպետք է դրան գնալ մեր շահերի հաշվին, մեր պատմական հող ու ջրի հաշվին»:

Հարցին, թե տեսականորեն հնարավո՞ր է, որ Ադրբեջանը հետ քաշվի Հայաստանի տարածքից, որտեղ ներխուժել է, Սեյրան Օհանյանն արձագանքեց, որ տեսականորեն ամեն ինչ էլ հնարավոր է. «Տեսականորեն հնարավոր է նաեւ, որ Արցախի հատվածում վերականգնվեն Արցախի ժողովրդի իրավունքները Հադրութում, Շուշիում, նաեւ Մարտակերտ, Մարտունի, Ասկերան հատվածներում: Դրա համար պետք է բանակցել: Տեսականորեն հնարավոր է վերադարձնել Շուշին ու Հադրութը: Այդ ամենն իրականացնելու համար պետք են լծակներ, այսօր այդ լծակներն ունի քաղաքական մեծամասնությունը»,-  ասաց նա:

Դիտարկմանը, որ եթե լծակներն իշխանության ձեռքին են, դուք էլ գիտեք մեխանիզմները, ինչու չեք համագործակցում իշխանության հետ այդ հարցում, պաշտպանության նախկին նախարարն արձագանքեց. «Ես չասացի՝ մեխանիզմը մենք գիտենք: Մեխանիզմը բանակցություններն են, արտաքին հարաբերություններում եւ Արցախիշուրջը ընթացող  ԵԱՀԿ Մինսկի խմբի համանախագահության շրջանակում բանակցություններն են, որն իր մեջ պարունակում է մարտավարական եւ ռազմավարական լուրջ քայլեր, տեխնիկական լուրջ հնարքների իրագործում եւ դրան տիրապետել: Իսկ իրավիճակին տիրապետողն այսօր իշխանություններն են»:

Կարդալ ավելին

Քաղաքականություն

Արմինե Ադիբեկյանի նկատմամբ նոր քրեական գործ է հարուցվելու և միացվելու է նախորդին. Ռուբեն Մելիքյան

42

By

Որևէ կասկած չկա, որ Արմինե Ադիբեկյանի նկատմամբ իրականացվում է քաղաքական հետապնդում։ Այս մասին, այսօր՝ հունվարի 21-ին, Երեւանի ոստիկանության Նոր Նորքի բաժանմունքի մոտ լրագրողների հետ զրույցում ասաց նրա պաշտպան Ռուբեն Մելիքյանը։

«Մեր պատկերացմամբ նոր քրեական գործ է հարուցվելու և միացվելու է նախորդ քրեական գործին «ծանր վիրավորանք» հասցնելու համար 137.1 հոդվածի 2-րդ մասը դառնալու է 137․1 հոդվածի 3-րդ մաս և էապես ավելանալու է տուգանքի չափը՝ մինչև 3 մլն դրամ և նախատեսված է նաև կալանքը՝ որպես պատիժ՝ 1-3 ամիս ժամկետով»,-ասաց նա։

Ռուբեն Մելիքյանը հիշեցրեց, որ օրենքն ընդունվել է միայն ՔՊ-ի քվեարկությամբ, հենց ՔՊ-ին վիրավորանքներից պաշտպանելու համար։

«Շատ սիմվոլիկ թվով հոդվածը, 37-ը այնտեղ պիտի լիներ, ունի 3 մաս։ Երկրորդ մասը վերաբերում է պաշտոնատար անձանց գործունեության հետ կապված վիրավորանքին, 3-րդ մասը պարբերաբար ծանր վիրավորանք ներկայացնելուն»,-ասաց նա։

Ռուբեն Մելիքյանն ընդգծեց, որ Արմինե Ադիբեկյանը վարչապետ Նիկոլ Փաշինյանին ծանր վիրավորանք չի հասցրել, քանի որ հենց Փաշինյանը իր գրքում խոսել է այդպես, և Արմինե Ադիբեկյանը գրածն է մեջբերել։

«Գուցե ինչ-որ մեկը դիմի մեր իրավապահներին, որպեսզի ծանր վիրավորանքի հոդվածով գործ հարուցվի Իլհամ Ալիևի դեմ․ նա շատ ավելի լուրջ հայտարարություններ է անում, գուցե հարուցվի, գուցե նրա նկատմամբ միջազգային հետախուզում հայտարարվի»,- ասաց նա։

Ռուբեն Մելիքյանի դիտարկմամբ՝ վաղ թե ուշ միազգային կառույցները այս իրավիճակին արձագանքելու են, քանի որ գործերի ծավալը մեծ է․ երեկ «Շանթ Դաշինք» ազգայնական կուսակցության նախագահ Շահեն Հարությունյանը ևս հրավիրվել էր իրավապահների կողմից, ընդորում՝ քաղաքական գնահատական տալու համար, քանի որ գրառել էր այն մասին, որ Նիկոլ Փաշինյանը ազգակործան քաղաքականություն է վարում։

«Սա եվրոպական հայտարարված արժեքների ոչ թե կարմիր, այլ ուլտրակարմիր գծերի հատում է»,- շեշտեց Ռուբեն Մելիքյանը։

Ավելի վաղ NEWS.am-ը հայտնել էր, որ հունվարի 12-ին արդեն մեկ անգամ Արմինե Ադիբեկյանը հրավիրվել էր ոստիկանություն՝ ծանր վիրավորանքի հոդվածով հարուցված քրեական գործով։ Նա կասկածյալի կարգավիճակ է ստացել։ Ադիբեկյանի նկատմամբ խափանման միջոց է ընտրվել՝ ստորագրությունը՝ չհեռանալու մասին։ Նա նաեւ հրաժարվել է ցուցմունք տալ։

Կարդալ ավելին

Facebook

Քաղաքականություն12 ժամ առաջ

Ղազախստանի իրավապահների կողմից հետախուզվողը հայտնաբերվել է Բագրատաշենի սահմանային անցակետում

Բլոգ13 ժամ առաջ

Զգուշացնում եմ այդ սրիկաներին, արդեն մի քանիսի տեղեկությունները տվել ենք ԱԱԾ-ին, ֆեյքերի ժամանակներն ավարտվելու են. Ն. Հոխիկյան

Քաղաքականություն13 ժամ առաջ

Ճոխ շոու՝ յուրաքանչյուրին 3000 դոլար հոնորարով. Սուրեն Պապիկյանը պատրաստվում է ճոխ հարսանիքի

Լրահոս13 ժամ առաջ

Ռուստամ Բաքոյանը մտահոգված է թուրքական ռազմաբազայի հրթիռակոծմամբ

Քաղաքականություն13 ժամ առաջ

ՌԴ ԱԳՆ-ն հորդորել է հնարավորինս արագ սկսել հայ-ադրբեջանական սահմանի սահմանազատման աշխատանքները

Քաղաքականություն13 ժամ առաջ

Հադրութի եւ Շուշի վերադարձը տեսականորեն հնարավոր է․ Սեյրան Օհանյան

Քաղաքականություն13 ժամ առաջ

Արմինե Ադիբեկյանի նկատմամբ նոր քրեական գործ է հարուցվելու և միացվելու է նախորդին. Ռուբեն Մելիքյան

Ամենադիտվածներ