Միացեք մեզ

Քաղաքականություն

Ալեն Սիմոնյանը շարունակում է գույք թաքցնել

424
Հետևե՛ք մեզ Telegram-ում

Fip.am-ը գրում է․

«2019 թվականին այն ժամանակ դեռևս ԱԺ փոխնախագահ Ալեն Սիմոնյանը կեղծ տվյալներ էր ներկայացրել գույքի և եկամուտների հայտարարագրում։ «Փաստերի ստուգման հարթակը» գրել էր այս մասին, ինչից հետո Սիմոնյանի նկատմամբ կարգապահական վարույթ էր հարուցվել և կիրառվել վարչական տույժ՝ նախազգուշացում։ 

Սակայն սա չխանգարեց, որ Ալեն Սիմոնյանը շարունակի թերի հայտարարագրեր ներկայացնելու պրակտիկան։ «Փաստերի ստուգման հարթակը» պարզել է, որ ԱԺ նախագահն ու նրա կինը շարունակել են թաքցնել իրենց պատկանող անշարժ գույքի վերաբերյալ տեղեկությունների մի մասը։

Ալեն Սիմոնյանի թաքցրած գույքը 

Այսպես, 2012 թվականին Ալեն Սիմոնյանի և նրա մոր՝ Մարինե Հովհաննիսյանի խնդրանքով Երևանի քաղաքապետ Տարոն Մարգարյանը որոշել էր նվիրատվության կարգով նրանց թույլ տալ սեփականաշնորհել Աբովյան 62 հասցեի թիվ 6 բնակարանի մի մասը։ Սիմոնյանը մինչև հիմա համարվում է այս անշարժ գույքի համասեփականատերը։

Մինչ օրս Սիմոնյանը ներկայացրել է գույքի և եկամուտների 4 հայտարարագիր։ Եվ չնայած նա դեռևս համարվում է Աբովյան 62 հասցեում գտնվող անշարժ գույքի համասեփականատեր, Սիմոնյանի և ոչ մի հայտարարագրում դրա վերաբերյալ որևէ հիշատակում չկա։ 

2019 թվականի մայիսին Ալեն Սիմոնյանը վաճառել է Եկմալյան 1/1 հասցեում գտնվող բնակարանը։ 2017 թ․-ին ընդամենը 22 մլն դրամով գնված այս 77․97 քմ մակերեսով բնակարանը Սիմոնյանը երկու տարի անց վաճառել է 125 մլն֊ով։ Նույն թվականին Սիմոնյանը նույն շենքում գնել է մեկ այլ՝ շատ ավելի ընդարձակ, 143,23 քմ մակերեսով բնակարան՝ 114 մլն դրամով։ Սիմոնյանն այս գույքը հայտարարագրել է որպես համատեղ սեփականություն, մինչդեռ բնակարանը, կադաստրային փաստաթղթերի համաձայն, պատկանում է միայն իրեն, և որևէ այլ անձ այդ բնակարանի նկատմամբ սեփականության իրավունք չունի։ 

Սեպտեմբերին Սիմոնյանն իր բնակարանը գրավադրել է «Հայէկոնոմբանկում»՝ 25 մլն դրամով։ Ուշագրավ է, որ անկախ գնահատողն այդ բնակարանը գնահատել է 131․7 մլն դրամ, այնինչ ընդամենը մեկ ամիս առաջ այն գնվել էր 114 մլն֊ով։

Հետաքրքիր զուգադիպությամբ, գրավադրումից մոտ 10 օր առաջ Սիմոնյանի կինը՝ Մարիամ Մարգարյանը, ստեղծում է «Էֆէմէֆ գրուպ» ընկերությունը, որը, ըստ ՊԵԿ-ի, զբաղվում է մասնագիտական, գիտական և տեխնիկական գործունեությամբ։ Թե կոնկրետ ի՞նչ է դա՝ դժվար է ասել, քանի որ բաց աղբյուրներում այս ընկերության վերաբերյալ տվյալներ գրեթե չկան։ 

Սիմոնյանի կնոջ թերի հայտարարագիրը

Ալեն Սիմոնյանի կնոջ՝ Մարիամ Մարգարյանի հայտարարագրերում ևս ամեն ինչ չէ, որ ներկայացված է։ Դրանց ուսումնասիրությունից պարզ է դառնում, որ Մարգարյանը չի ներկայացրել ամուսնու՝ պաշտոնն ստանձնելու օրվա դրությամբ ունեցած գույքի և եկամուտների հայտարարագիրը, թեև հանրային ծառայության մասին օրենքի համաձայն՝ վերջինս պարտավոր էր բարձրաստիճան պաշտոնատար անձանց էթիկայի հանձնաժողով ներկայացնել իրեն պատկանող գույքի և եկամուտների հայտարարագիրը։ 

Մարգարյանն իր առաջին հայտարարագիրը ներկայացրել է 2018-ի տարեվերջին։

Այդ ժամանակ դեռ գործող օրենքի համաձայն՝ տարեկան հայտարարագրի անշարժ գույքի բաժնում պետք է ներկայացվեր բացառապես տարվա ընթացքում ձեռք բերված և օտարված անշարժ գույքի վերաբերյալ տեղեկատվությունը։ Եվ քանի որ տարվա ընթացքում Մարգարյանն անշարժ գույքի որևէ գործարք չէր իրականացրել, հետևաբար՝ հայտարարագրում ևս ոչինչ ներկայացված չէր։

Ստացվում է, որ Մարգարյանը, ամուսնու՝ պաշտոն ստանձնելու դրությամբ հայտարարագիր չներկայացնելով, ըստ էության, թաքցրել էր իրեն պատկանող անշարժ գույքն ու դրամական միջոցները։

Հաջորդ՝ 2019-ի հայտարարագրում արդեն Մարգարյանը հայտարարագրում է կենտրոնում գտնվող բնակարան։ Եվ չնայած օրենքը պահանջում է, որ հաշվետու տարվա ընթացքում ձեռք բերած և/կամ օտարած անշարժ գույքի վերաբերյալ տեղեկությունը ևս արտացոլվի հայտարարագրում, Մարգարյանի հայտարարագրում այդ տարի որևէ անշարժ գույքի գործարք ներկայացված չէր։ Եվ քանի որ Մարգարյանը որևէ անշարժ գույքի գործարք չէր իրականացրել նաև նախորդ՝ 2018 թվականին, կարող ենք պնդել, որ Մարգարյանն այս բնակարանը ձեռք էր բերել մինչև 2018 թվականը։  

Ի դեպ, 2019-ի հայտարարագրում բնակարանի ձեռքբերման տարեթվի վերաբերյալ տեղեկությունները պաշտպանված էին, ինչը ևս օրենքի խախտում էր, սակայն Կոռուպցիայի կանխարգելման հանձնաժողովից նախ հայտնեցին, որ տեղեկության պաշտպանված լինելը օրենքի պահանջ է, այնուհետև, մինչ «Փաստերի ստուգման հարթակը» կադաստրային փաստաթղթերի ուսումնասիրության արդյունքում կպարզեր, որ Մարգարյանն այս բնակարանի սեփականատեր դարձել էր 2014 թվականին, հանձնաժողովը «գաղտնազերծեց» Մարգարյանի բնակարանի գնման տարեթիվը։ 

Այսպիսով փաստենք, որ Ալեն Սիմոնյանն ու իր կինը շարունակում են հայտարարագրերում թաքցնել իրենց գույքի և եկամուտների վերաբերյալ ամբողջական տեղեկատվությունը և այն ներկայացնում են հատվածաբար։

Առաջիկայում «Փաստերի ստուգման հարթակը» կհրապարակի մեկ այլ հետաքննություն՝ ԱԺ նախագահի հետ կապված մեկ այլ անշարժ գույքի վերաբերյալ։

Օրենքի չիմացությո՞ւն, իներցիա, թե դիտավորություն 

Ի դեպ, Ալեն Սիմոնյանի և նրա հետ փոխկապակցված անձանց հայտարարագրերը ստուգելու ընթացքում պարզեցինք, որ մինչ հանրային ծառայության մասին նոր օրենքի կիրարկումը (2020-ի հունվարի 1-ը), բարձրաստիճան պաշտոնատար անձի ամուսինը, ծնողները, համատեղ ապրող չափահաս և չամուսնացած զավակները Էթիկայի հանձնաժողովին երբևէ չեն ներկայացրել պաշտոնյայի՝ պաշտոնի ստանձնման օրվա դրությամբ գույքի և եկամուտների վերաբերյալ հայտարարագիր, մինչդեռ 2011-ին ընդունված Հանրային ծառայության մասին օրենքը (հոդ․ 32, մաս 4) հստակ սահմանում էր, որ բարձրաստիճան պաշտոնատար անձի ամուսինը, նրա հետ համատեղ ապրող ծնողը, ինչպես նաև համատեղ ապրող չափահաս և չամուսնացած զավակը բարձրաստիճան պաշտոնատար անձի համար սահմանված դեպքերում և կարգով Բարձրաստիճան պաշտոնատար անձանց էթիկայի հանձնաժողով են ներկայացնում իրենց գույքի և եկամուտների հայտարարագիրը։

Թե ինչով է պայմանավորված փաստը, որ բարձրաստիճան պաշտոնատար անձանց հետ փոխկապակցված անձինք Էթիկայի հանձնաժողով չեն ներկայացրել պաշտոնյայի՝ պաշտոնի ստանձնման օրվա դրությամբ գույքի և եկամուտների վերաբերյալ հայտարարագիր, կներկայացնենք լրացուցիչ ուսումնասիրության արդյունքում»։

Սևադա Ղազարյան

Կարդալ ավելին
Գրել Մեկնաբանություն

Թողնել մեկնաբանություն

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Քաղաքականություն

Չավուշօղլուի ազդակը Փաշինյանին

112

By

Ուրուգվայում գտնվող Թուրքիայի արտաքին գործերի նախարար Չավուշօղլուն թուրքական «գորշ գայլերի» նշանն էր ցույց տվել հայերին՝ ի պատասխան Հայոց ցեղասպանության ճանաչման պահանջի։

Ուրուգվայի ԱԳՆ–ը Թուրքիայի դեսպան Հուսեյն Մուֆթուօղլուին այդ ամենից հետո կանչել է արտաքին գերատեսչություն՝ բացատրոթյուն տալու։

Հիշեցնենք, որ դեռևս 1965թ.–ի ապրիլի 20–ին Ուրուգվայի սենատի գլխավոր վեհաժողովը և ներկայացուցիչների պալատն ընդունել է «Հայոց ցեղասպանության զոհերի հիշատակի օրվա մասին» օրենքը։

Չավուշօղլուի կողմից «գորշ գայլերի» մատերի կոմբինացիան ցույց տալը շատ խորհրդանշական ստացվեց ապրիլի 24–ին։ Դա ցույց է տալիս, որ Թուրքիան ոչ միայն ժխտում է Հայոց ցեղասպանությունը, այլ պատրաստվում է նոր ցեղասպանության։ Եվ սա հայաստանյան իշխանությունների քիրվայական ու խաղաղասիրական մեսիջների ներքո։

Թուրքիայի մոտ ոչինչ չի փոխվել։ Պարզապես Նիկոլ Փաշինյանն է փորձում հայ ժողովրդին համոզել, որ Թուրքիան, իբր, փոխվել է ու ՀՀ–ի հետ փորձում է հարաբերություն կարգավորել, իբր, առանց նախապայմանների։

Փաշինյանն ասում է, թե, իբր, Թուրքիայից դրական ազդակներ է ստանում, բայց Չավուշօղլուն լրիվ այլ ազդակ է փոխանցում Փաշինյանին։ Այլ հարց է, որ Նիկոլն, իր աթոռային շահերից ելնելով, խաբում է հայ ժողովրդին ու փափուկ բարձ դնում, թե բա Թուրքիայից դրական ազդակներ ենք ստանում։

Իրականությունն այն է, որ Նիկոլն ամբողջությամբ բավարարում է թուրք–ադրբեջանական նախապայմանները, խաղաղություն է մուրում և վախի մթնոլորտ ձևավորելով՝ ձգտում կյանքի կոչել այն, ինչ պայմանավորվել է Թուրքիայի ու Ադրբեջանի հետ։

Հայ ժողովուրդն իր հերթին պետք է ազդակներ ուղարկի Թուրքիային։ Նիկոլին հեռացնելը շատ լավ ազդակ կլինի։ Անկարայում անմիջապես կհասկանան, որ հայ ժողովուրդը մուրացկան չէ և երկրորդ ցեղասպանություն թույլ չի տալու։

Նիկոլին հեռացնելը լավ ազդակ կլինի նաև միջազգային հանրությանը, որ ՀՀ–ն փակում է պարտության էջն ու սկսում մեջքն ուղղելու գործընթացը, և որ չի հանդուրժելու Արցախի ադրբեջանականացում։

Կորյուն Մանուկյան

Հ.Գ.։ Նիկոլենց «Ապագա կա ապագա» կարգախոսի հիմքում ընկած է Թուրքիայի հետ սիլի–բիլին ու դրանից սպասվող օգուտը։ Չավուշօղլուն իր վարքագծով ցույց տվեց, թե Թուրքիան ինչպիսի ապագա է պլանավորում Հայաստանի համար Նիկոլ Փաշինյանի ձեռքերով։

7or.am

Կարդալ ավելին

Քաղաքականություն

Ոստիկանապետը վարչապետին զեկուցել է. Եթե 5 հազարը չգերազանցի` կճնշենք

154

By

Հրապարակը գրում է. Երեկ մենք տեղեկացրել էինք, որ ոստիկանությունում արտակարգ վիճակ է հայտարարվել՝ բոլոր ուժերը, իսկ դրանք երկրով մեկ քիչ չեն, բերվել են կազմ-պատրաստ վիճակի, որպեսզի կարողանան ճնշել համաժողովրդական պայքարի փորձերը։ 


Ոստիկանության ղեկավար կազմը՝ վարչապետի հանձնարարությամբ խորհրդակցություն է հրավիրել, որպեսզի հստակեցնի իր անելիքները եւ վարչապետին զեկուցի, թե ինչ է սպասվում եւ ինչ է անհրաժեշտ պայքարի օջախները խեղդելու համար։

Մեր աղբյուրը հայտնեց, որ ոստիկանապետ Վահե Ղազարյանը Նիկոլ Փաշինյանին զեկուցել է իրավիճակը։ Նախ, ներկայացրել է ընդդիմության ծրագիրը՝ որտեղ, ինչ են նախատեսում անել, որ երթուղիներով են քայլելու, ովքեր են մասնակցելու այդ ակցիաներին։ 

Եւ ամենակարեւորը՝ ասել է, որ մեկ օջախում մինչեւ 4-5 հազար մարդու հավաքվելը խնդիր չէ՝ իրենք հանգիստ կցրեն եւ իրավիճակը դուրս չի գա ոստիկանության վերահսկողությունից։ Վտանգը կարող է ծագել այն պահից, երբ հավաքվածների թիվը գերազանցի 5 հազար մարդը։ Այդ դեպքում ամբոխին չեն կարողանա զսպել եւ դժվար կլինի կառավարել նրանց գործողությունները։ Բայց վարչապետը վստահ է եղել, որ մեկ վայրում 5 հազար մարդ ընդդիմությանը հավաքել չի հաջողվի։ Նա իր թիմին հրահանգել է հնարավորինս փչացնել եւ վարկաբեկել այս պայքարը եւ այն ներկայացնել որպես երկիրը պատերազմի տանելուն, խաղաղությունը մերժելուն ուղղված քայլեր, որոնք վտանգում են Հայաստանն ու Արցախը։

Կարդալ ավելին

Քաղաքականություն

Ալիևի մեսիջը հայերին՝ կամ Արցախը պիտի ճանաչեք Ադրբեջանի կազմում կամ կգրավեմ ողջ Հայաստանը

100

By

Ադրբեջանի նախագահ Իլհամ Ալիևի այս խոսքերը Շուշիից իր սիմվոլիկան ուներ: Նա դրանով մեսիջ էր ուղարկում հայերին, թե մոռացեք Շուշիի մասին, հակառակ դեպքում Ադրբեջանը կգրավի ողջ Հայաստնաը: Պետք է նշել, որ Ալիևը առաջին անգամ չի սպառնում հայ ժողովուրդին: Մինջ 2018 թվականը նա նույնպես սպառնում էր, որ «գրավելու է Երևանը», սակայն նախկինում նրա խոսքերին լուրջ չեինք վերաբերվում, քանի դեռ տարածաշրջանում ուժերի հավասարակշռությունն էր այլ: Բացի այդ Հայաստանը չուներ Փաշինյանի նման արկածախնդիր ղեկավար: Այսօր իրավիճակը բոլորովին այլ է: Ալիևի հետ միասին, հայ ժողովուրդին սպառնում է նաև… Նիկոլ Փաշինյանը: Իհարկե նրա ձևակերպումները փոքր ինչ այլ են, սակայն բովանդակությունն է նույնը: Ալիևը հայտարարում է, «…եթե հայերը չհամակերպվեն Արցախի կորուստի հետ, ապա կկորցնեն ողջ Հայաստանը…»: Փաշինյանը հայտարարում է, որ եթե «..չհամաձայնվենք իջեցնել Արցախի կարգավիճակի նշաձողը, ապա կարող ենք ստանալ նոր պատերազմ…»:

Այսինքն, թե Ալիևը, և թե Փաշինյանը նույն բովանդակության մեսիջն են փոխանցում հայ ժողովուրդին: Տարբերությունը կայանում է նրանում, որ Փաշինյանի թիմը խոստանում է Հայաստանի ժողովրդին Արցախի կորստի դիմաց «կայուն խաղաղ դարաշրջան», իսկ Ալիևի թիմը ոգևորված նշում է, որ «Ղարաբաղի մարսելուց հետո, հերթը լինելու է Արևմտյան Զանգեզուրինը, հետո Սևանինը, հետո Երևանինը»:

Ով կարող էր կռահել, որ 2018-ին հայ ժողովուրդը իշխանության է բերելու ադրբեջանցիների «տրոյական ձիուն», ով «քաղցր» ձևակերպումներով բթացնելու էր, առանց այդ էլ պրիմիտիվ պատկերացումներ ունեցող ժողովուրդին և որի գործնեության վերջնաարդյունքը լինելու է այն, որ Ալիևը և Փաշինյանը հանդես են գալու միաբովանդակ առաջարկով այդ նույն Հայաստանի ժողովուրդի առջև:

Սակայն բնության մեջ, ըստ Հեգելի, ոչինչ անբնական չի լինում: Պրիմիտիվ և թերզարգացած ժողովուրդները պիտի վճարեն իրենց անգիտակից ընտրության համար: Հակառակ դեպքում բնության օրենքները արդար ձևով չեին գործի: Մի՞թե պարզ չէ, որ խելոքը պիտի բոնուս ստանա այս կյանքից, իսկ անխելքը պատժվի, որպեսզի բնության օրենքները արդար գործեն: Եվ դա վերաբերվում է ոչ միայն մինջմարդկային հարաբերություններին, այլև ազգերի միջև ընթացող հարաբերություններին և կապերին:

Սա է իրականությունը:

Դավիթ Մկրտչյան

zham.am

Կարդալ ավելին

Քաղաքականություն

Տեսանյութ. Փաշինյանը 2,6 միլիարդ կստանա, եթե ռուսական ռազմաբազան հանի Հայաստանից․ գլխավոր նպատակը հայտնի է

128

By

Կարդալ ավելին

Քաղաքականություն

Տեսանյութ. Ցեղասպանության թանգարանից կարևոր փաստաթղթեր են կորել․ այդ քրեկան գործով անցել են Արարատ Միրզոյանը

90

By

Կարդալ ավելին

Facebook

Հասարակություն1 ամիս առաջ

Տեսանյութ․ Երկու տղամարդ խոսում են 12-ամյա երեխայի բռնաբարելու մասին

Քաղաքականություն1 ամիս առաջ

Տեսանյութ. Փաշինյանը 2,6 միլիարդ կստանա, եթե ռուսական ռազմաբազան հանի Հայաստանից․ գլխավոր նպատակը հայտնի է

Քաղաքականություն1 ամիս առաջ

Տեսանյութ. Ցեղասպանության թանգարանից կարևոր փաստաթղթեր են կորել․ այդ քրեկան գործով անցել են Արարատ Միրզոյանը

Քաղաքականություն2 ամիս առաջ

Տեսանյութ․ Փաշինյանն ու իր տասնյակ թիմակիցներ եղել են ԱԱԾ գործակալներ․ Համբարձումյանն ու Վանեցյանը պետք է խոսեն

Քաղաքականություն2 ամիս առաջ

Տեսանյութ․ Լավրովը Միրզոյանին ասեց, որ իրենց հետաքրքիր չէ, թե Բրյուսելում ինչ են պայմանավորվել․ Մոսկվան կոշտ է արձագանքում

Քաղաքականություն2 ամիս առաջ

Տեսանյութ․ Էդմոն Մարուքյանը համարու՞մ է, որ ինքը «թուրքից չի տարբերվում»

Բլոգ2 ամիս առաջ

Ո՞ր պետություններն են անհետանալու քարտեզի վրայից 2022թ․

Ամենադիտվածներ